Очамчыра ақалақь аҟны афымцеихшарҭақәеи, афымцамҩангагақәеи , ашьаҟақәеи рыҧсахра иаҿуп.

20.09.2016
893

Урыстәыла Аҧсны иазыҟанаҵо аинвестициа цхыраара иабзоураны , Очамчыра ақалақь аҿы афымцаеихшарҭақәеи, афымцамҩангага цәаҳәақәеи, ашьаҟақәеи рыҧсахра иаҿуп.

 Очамчыра ақалақь аҿы зеиҭашьақәыргылара азыҧхьагәаҭаз афымцеихшарҭақәа ҩба рҟынтә руак аҿы аусурақәа хыркәшоуп. Ари афымцеихшарҭа раҧхьа нап адыркит, уи азааигәара ақалақь аҿы зегь раасҭа ауааҧсыра ахьеиланхо азы. Иааидкыланы иҧсахуп 124 шьаҟа, имҩангоуп 4800 метра афымцацәаҳәа. Афымцеихшарҭа аҟынтә 110 ҩны рышҟа инагоуп ацәаҳәақәа. Уажәы аусурақәа ирҿуп аҩбатәи афымцеихшарҭаҿы. Ара еиҭашьақәдыргыло афымцеихшарҭаҟынтә афымцалашара роуеит Очамчыратәи аџьырмыкьахь, ачаӡырҭахь, иара убас шә-нхарҭа ҭыҧк рҿы инхо ауааҧсыра.

«Амшынеиқәафымцамч» Очамчыратәи аҟәша аусуҩцәа убасгьы ирыҧсахуеит ажәытә шьаҟақәеи ацәаҳәақәеи. Уаанӡа афымцамҩангагатә цәаҳәақәа реидкьыслара иахҟьаны афымцалашара аныцәалак, иҧхасҭахон анхацәа ирымаз арҧхагақәеи, егьырҭ атехникатә мыругақәеи. Аусурақәа ирҿанаҵы уажәы аамҭа-аамҭала афымцалашара дырцәоит ақалақь аҟны, аха уи азы аӡәгьы авба ирҭом.
Избанзар, еилыркаауеит изҿу аус аҭыҧантәи ауааҧсыра рыбзазаратә ҭагылазаашьа аиҕьтәра ишазку.

Иааидкылан, Очамчыра ақалақь аҿы хынҩажәа инареиҳаны афымцеихшарҭақәа ықәгылоуп. Урҭ рахьтә хәба иааиуа ашықәс азы Урыстәыла аинвестициатә цхыраара ахархәара аҳәаақәа ирҭагӡаны, реиҭашьақәргылара азгәаҭоуп.

 Амра Амҷҧҳа, Саид Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК