Имҩаҧысит аҧсшьара мшқәа рышьҭахь, Жәлар реизара адепутатцәа раҧхьатәи реилатәара.

21.09.2016
757

Имҩаҧысит аҧсшьара мшқәа рышьҭахь, Жәлар реизара адепутатцәа раҧхьатәи реилатәара. Амшхәаҧштә аҿы иарбаз азҵаарақәа рҕьырак азкын аӡбаҩцәа ралхра. Жәлар Реизара аилатәараҿы адепутатцәа акыршықәса аус здырулоз «Афымцалашаразы» азакәан апроект абжьыҭира алҵшәақәа рыла мап ацәкуп.
Ишаҧу еиҧш, аҧсшьара мшқәа рышьҭахь, адепутатцәа раҧхьатәи реилатәара алагеит Аҧсны Аҳәынҭқарратә  Гимн арҳәарала.  

Амшхәаҧштә аҿы иарбаз азҵаарақәа рахьтә актәи азкын Аҧсны аусуратә кодекс ашьақәырҕәҕәара. Адепутат Аполлон Гәыргәлиа иажәақәа рыла, атәылаҿы уажәраанӡа рхы иадырхәоз асовет аамҭазтәи акодекс акәын. Апарламент аҿы Аҧсны ахада ихаҭарнак  Дмитри Шамба иазгәеиҭеит, аусуратә еизыҟазаашьақәа рыҽшырыҧсаххьоу, ҳаамҭа иақәнагахаша азакәан азы аҭахрақәа шыҟоу.

Аилатәараҿы ацәажәарақәа ахылҵит «Афымцалашаразы» азакәанапроект. Адепутатцәа еиҿагылоз агәаанагарақәа роуит. Аха, рызегь еиқәшәон акы аҿы – афымцалашаратә усхк аусура ҳәаақәызҵо азакуан ыҟазароуп, ҳәа.  Ицәыргаз азакәанапроект иадгылоз ирҳәеит, уи акыршықәса акомитет аҿы аекспертцәа адыҧхьаланы аус шадулаз, аҩбатәи аҧхьарала ирыдыркылартә ишыҟоу. Азакәанапроект иаҿагылоз ргәаанагарала, урҭ рыбжьара дыҟан апарламент аҿы Аҧсны ахада ихаҭарнакгьы, уажәы ишыҟоу апроект амчра анаиу, афымцалашараз ахәҧса иазҳар алшоит.
    
Азакәанапроект алацәажәара урысшәала иахьымҩаҧысуаз иахҟьаны, аҧсуа ҭыжьымҭаҿы уа иқәгылоз рцәажәарақәа ҳазшəырбом. Аилатәараҿы аҧсшьара аныҟала, хазы дҭаҳхит адепутат Гәырам Барганџьиа.
Аилацәажәара ашьҭахь, бжьыҭирала адепутатцәа реиҳараҩык мап ацәыркит азакәанапроект аҩбатәи аҧхьарала адкылара.

Маӡалатәи абжьыҭирала, Омар Берулаа дҟаҵоуп Иреиҳаӡоу аӡбарҭа ахантәаҩы актәи ихаҭыҧуаҩыс. Арбитражтә усӡбарҭа аӡбаҩцәас иалхуп Саида Гәлиеи Алиса Чамагәуаҧҳаи. Аҟәа ақалақьтә усӡбарҭа аӡбаҩыс Милана Џьынџьалҧҳа.

Амра Амҷҧҳа, Ельдар Дамиров, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Август 2018
20
Аҭыжьымҭаҿы:Усутә визитла. Аҧсны Ахада Рауль Ҳаџьымба дидикылеит Урыстәыла Ашәарҭадаратә хеилак амаӡаныҟәгаҩ ихаҭыҧуаҩ Рашид Нургалиев.
20 Август 2018
15
Кореиатәи ахәаахәҭра ааглыхратә палатеи дареи рыбжьара аусеицуразы аиқәшаҳаҭра рнапы аҵарҩит.
17 Август 2018
9
17 Август 2018
14
Уи иалахәын ахәыҷтәы вокалтә гәыҧ «Анасыҧ» ашәаҳәаҩцәа қәыҧшцәа.
17 Август 2018
10
Ақәҵара инақәыршәаны, атәанчаҩцәа ахәшәқәа рыхәҧса ҩажәи хәба процент агырханы иаархәартә алшара рымоуп.
Загрузка плеера
Алаҳәарақәеи адныҳәаларақәеи
АГТРК