75 шықәса ихыҵит Аҧсны жәлар рпоет Витали Амаршьан.

22.09.2016
948

75 шықәса ихыҵит Аҧсны жәлар рпоет Витали Амаршьан. Иара иаҧҵамҭақәа иаҧсоу аҭыҧ ааныркылоит аҧсуа литературатә ҟазараҿы. Витали Амаршьан Дырмит Гәылиа ихьӡ зху Аҳәынҭқарратә премиа далауреатуп, “Ахьӡ- аҧша” аорден ианашьоуп.

Аҧсуа сахьаркыратә литература аҿиара аҭоурых аҟны зҩымҭақәа рыла иналукааша аҭыҧ аанызкыло, Аҧсны Жәлар рпоет Витали Амаршьан ҧсабарала илоу абаҩхатәра ахә ҳаракны иршьахьеит аҧхьаҩцәеи, алитератураҭҵааҩцәеи, акритикцәеи. Иара еснагь ихы аӡыргара дашьҭамызт. Убри азоуп уажәгьы ателехәаҧшрала сцәажәара аҭахым, ҳәа изиҧхьаӡаз. Апоет, ашәҟәыҩҩы инапы иҵиххьоу апрозатәи апоезиатәи рҿиамҭақәа еицырдыруеит аӡәырҩы. Дара шьаҭас ирымоуп абаҩхатәра, ауаҩыцқьара, аџьабаа,– абас азгәеиҭоит аҧсуа литератураҭҵааҩ, Витали Амаршьан изкны имаҷымкәа апублицистикатә статиқәа зкьыҧхьхьоу Руслан Қаҧба. 

Џьгьарада ақыҭан ииз Витали Амаршьан, ашкол даналга ашьҭахь, дҭалоит Москватәи алитературатә институт, уаҟа иҵара аныхиркәша дхынҳәуеит Аҧсныҟа, аусура далагоит агазеҭ “Аҧсны Ҟаҧшь” аҿы. Нас диасуеит ажурнал «Алашара» аредакциахь. Иара ирҿиаратә мҩа далагоит поетк иаҳасабала, инарҵаулан аарҧшышьа дақәшәон ауаҩытәыҩса иҩныҵҟатәи идунеи, ауаҩи аҧсабареи реизыҟазаашьа. Витали Амаршьан иажәеинраалақәа рыла иаҧҵоуп ашәақәагьы. Ус еиҧш иҟоуп «Уҿыха сашәа». Витали Амаршьан дравторуп ароманқәеи апоемақәеи жәпакы. Аҭоурыхтә роман «Аҧсҳа» - аҧсуа жәлар аабатәи ажәбатәи ашәышықәсқәа рзы ирхыргаз атәы еиҭазҳәо, аҧсуа литератураҿы аҭыҧ ду аанызкыло акы ауп.

Витали Амаршьан ипоезиаҿы иҷыдоу аҭыҧ ааннакылоит ихатә гәырҩа здиҳәалоу, иҧазаҵә Беслан Амаршьан ихьӡынҩылоу ажәеинраалақәа. Аҧсуа жәлар Рџьынџьтәылатәи еибшьраан фырхаҵарыла иҭахаз Беслан Амаршьан ианашьоуп Леон иорден. Витали Амаршьан иреиҕьу иаҧҵамҭақәа кьыҧхьуп «Аҧсуа поезиа антологиаҿы», иара иахьагьы икалам шьҭаимҵац, аҧхьаҩцәа ирзыҧшуп иҿыцу ирҿиамҭақəа.

 Альбина Жьиҧҳа, Саид Агәхаа , АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
26
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
34
Иара Аҧсны амилаҭтә олимпиатә еилакы аҿы  адныҳәаларақәа идикылон
27
Убри инамаданы имҩаҧган афонд ахаҭарнакцәа злахәыз апресс-конференциа.
45
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК