Сентиабр 21 рзы аусура иалагеит Аҟәа араион Ҧсҳәытәи абжьаратә школ.

22.09.2016
758

Сентиабр 21 рзы аусура иалагеит Аҟәа араион Ҧсҳәытәи абжьаратә школ. Араҟа аҵара рҵоит 40-ҩык инарыцны аҵаҩцәа. 

Аҵарашықәс алагара Ҧсҳәытәи арҵаҩцәеи аҵаҩцәеи ирыдиныҳәалеит Аҧсны аҵареи, Аҭҵаарадырреи рминистр Адгәыр Какоба. Уи аҽны Аҧсны актәи ахада ифонд ахьӡала аҵаҩцәа ирыҭан аҵара апроцесс аҟны рхы иадырхәо амаҭәарқәа. Хаҭала ари амш ныҳәа аҽалархәразы Ҧсҳәытәи абжьаратә школ иаҭааит Аҵареи Аҭҵаарадырреи рминистр Адгәыр Какобеи ихаҭыҧуаҩ Дмитри Гәарамиеи.

 Асасцәа ирҧылеит ашкол анапхгара. Аҵаҩцәа уи аамҭазы аныҳәа амҩаҧгаразы аҵыхәтәантәи аҽазыҟаҵарақәа ирҿын. Иҳәатәуп ргәы хыҭ-хыҭуа ари амш ишазыҧшыз. Ирҳәеит, сынтәатәи аҵара шықәс ҿыц алагара ргәалашәараҿы наунагӡа ишаанхо, избанзар иара дрыцаҧылеит аминистр . Ҧсҳәытәи абжьаратә школ иамоуп ахатәы традициақәа, арҵаҩцәеи, аҵара зҵо ахәыҷқәа ирылшо зегьы ҟарҵоит урҭ реиқәырхаразы. Аҵаҩцәа ажәеинраалақәа ирыҧхьеит, ирҳәеит ишазыхиоу адырра ҿыцқәа рырҳара.

Ҧсҳәытәи абжьаратә школ аҟны аҵара рҵоит 40- ҩык инарыцны аҵаҩцәа. Ашкол ахыбра ҿыцуп, уи ргылан шықәсқәак раҧхьа. Ари аус аҟны иџьабаа рацәоуп Ҧсҳәы ақыҭа ахада Даниил Зыхәба. Ҩ – еихагылак змоу ахыбра аҵыхәтәанынӡа еиҭашьақәыргылаӡам. Аҵаҩцәа рҽахьҽазыҟарҵо актәи аихагылаҿы ауп. Данил Зыхәба иажәақәа рыла, ақыҭа анапхгара иаарласны напы адыркуеит ари азҵаара аӡбара. Ашкол аҟны аҧсуа бызшәа арҵаҩы дахьыҟам иахҟьаны, изхымсуа ари амаҭәар заҵәык ауп. Ашкол адиректор Анатоли Турков иҳәеит, арҵаҩцәа разымхара иахҟьаны, дара маҭәарк еиҳаны ианаҧхьогьы шыҟоу.

Арҵагатә шәҟәқәа рыла еиқәыршәоуп, ирымам аметодикатәи алабҿабатәи маҭәарқәа ракәзар, дара рымчала иаархәоит. Аҵара шықәс ҿыц алагара арҵаҩцәеи, аҵаҩцәеи ирыдиныҳәалеит Адгәыр Какоба. Аҵарадырра аминистрра ахаҭарнакцәа Ҧсҳәытәи ашкол ианаҭаауаз иааргеит Аҧсны раҧхьатәи Ахада Владислав Арӡынба ихьӡ зху афонд аҟынтә аканцелиартә маҭәахәқәа. Уи ашкол ҳамҭас иалҭеит Владислав Арӡынба иҧшәма ҧҳәыс Светлана Џьергениа. Иазгәаҭатәуп, уаанӡа Ҧсҳәытәи абжьаратә школ ахь аҵара аминистрцәа шхамлацыз.

Адгәыр Какоба иҳәеит, араҟа аҵара зҵо ҷыдала ацхыраара шрыҭалатәу, урҭ шыгәцараклатәу. Аҵареи аҭҵаарадырреи рминистрра апрограммала ақыҭа арҵаҩцәа аматериалтә цхыраара рзыҟарҵоит. Уаҟа иарбоуп Ҧсҳәытәи абжьаратә школ арҵаҩцәагьы. Убасгьы Адгәыр Какоба иҳәеит, атәыла Ахада ишҟа ааҧхьара шыҟаиҵо Ҧсҳәытәи абжьаратә школ аиҳабы Анатоли Турков “Аҧсны зҽаҧсазтәыз арҵаҩы» аҳаҭыртә хьӡы ихҵаразы. Избанзар, иара иџьабаа акыр идууп, аҿар реиҵааӡара аус аҟны. 

А.Кәартааҧҳа, А. Гәажәба, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
129
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
119
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
140
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
107
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
91
15 Август 2018
73
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК