Александр Бардодым аус здиулоз иаҧҵамҭақәеи , аҵара злеиҵоз ашәҟәқәеи Афон ҿыцтәи ашколтә библиотека хамҭас иаҭоуп.

22.09.2016
947

Апоет, апублицист, аиҭаагаҩ, данҭаха ашьҭахь Леон иорден занашьоу Александр Бардодым аус здиулоз иаҧҵамҭақәеи , аҵара злеиҵоз ашәҟәқәеи Афон ҿыцтәи ашколтә библиотека ҳамҭас иалҭеит иара иан. Убри ашьҭахь , ашколтә библиотека акуакьқәа руак Александр Бардодым ихьӡ ахырҵеит.

Аурыс поет, аиҭагаҩ Александр Бардодым ихьӡ Аҧсны ибзиан ирдыруеит. Аџьынџьтәылатә еибашьра аан Аҧсны ахақәиҭтәразы иҟаиҵаз маҷым. Иара арахь даахьан изныкымкәа. Алитературатә институт аҟны аҵара аниҵоз ҩызцәас иман аҧсуаа. Убраҟоуп Аҧсны агәыбылра ахьикызгьы. Аибашьра иалагеит ҳәа аниаҳа, иҽыҧхьамккәа шьхала Гәдоуҭаҟа дааит. Дынҭаха ашьҭахь , иара иусаиаҭ инақәршәаны, анышә дамардеит Афон Ҿыц.

«Александр Бардодым иуаҩышьеи, ихымҩаҧгашьеи- рыла даҧсыуоуп ҳәа уҳәаратәы дыҟан. Иара аҧсуа жәлар изааигәан, еснагь Аҧсны имҩаҧысуаз ахҭысқәа дрызҿлымҳан,» - ҳәа азгәеиҭеит апоет ибзиан дыздыруаз, Афонҿыцтәи абжьаратә школ арҵаҩы Виачеслав Смыр.

Афонҿыцтәи абжьаратә школ абиблиотека ҩышықәса раҧхьа Александр Бардадым ихьӡ ахҵара машәырны иҟамлеит. Апоет апублицист аиҭагаҩ аус здиулоз, аҵара злаиҵоз ашәҟәқәа ари ашкол ҳамҭас иарҭеит. Абиблиотекаҿы иаартын ауада, зықь цыра инареиҳаны Александр Бардодым ишәҟәқәа ахьықәыргылоу . Александр Бардодым дыргәаладыршәарц азы анышә дахьамадоу инеит арҵаҩцәа, ашколхәыҷқәа, астудентцәа, аинтеллигенциа рхаҭарнакцәа.

 Фатима Гьергьиа, Беслан Џьынџьал ,АТ .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
32
Аҧснынтә ари аибашьра иалахәын хышә-ҩык рҿынӡа.
31
Еиуеиҧшым амзызқәа ирыхҟьаны , атәылауаҩшәҟәы аҧсахра иахьымӡаз дарбанзаалак, идокумент амч ацәыӡит
38
Уи мҩаҧнагеит ауаажәларратә еиҿкаара «Амч » .
31
Ари арыцхә иазкны АҞәа иаартын афотосахьақәа рцәыргақәҵа.
31
Урҭ рызшахоит ахәышәтәырҭақәа реиҧш, аполиклиникақәагьы.
Алаҳәарақәеи адныҳәаларақәеи
АГТРК