Ахәыҷқәа рлымҳа чымазара зыхҟьо ашьақәргылара иазкыз апедиатрцәа рсеминар мҩаҧысит Аҟәа.

22.09.2016
630

Ахәыҷқәа рлымҳа чымазара зыхҟьо    ашьақәргылара  иазкыз апедиатрцәа рсеминар  мҩаҧысит  Аҟәа.   Иара  еиҿкаан  Еидҵоу  Амилаҭқәа Реиҿкаара    ахәыҷқәа ргәабзиара    арҕәҕәара    ахәыҷтәы  фонд  апроект    аҳәаақәа   ирҭагӡаны.
  
Адунеи аҿы аҳақьымцәа рыстатистика ала ииуа зықьҩык ахәыҷқәа рҟынтә аӡәы алымҳа чымазара имоуп. Ҳтәылаҿгьы  иҟоуп ари апроблема. Акыр аҵанакуеит асаби данилак ашьҭахь, заа   ихьуа  ашьақәргылара,   ианаамҭоу ихәышәтәразы. Жәларбжьаратәи  аиҿкаара Иунисеф ацхыраарала Аҧсныҟа иааргараны иҟоуп ари  аус аҿы ахархәара ззыруа амыругақәа, иаартхоит хаз ауада. Иунисеф ахаҭарнак Лиана Мканҧҳа лажәақәа рыла, макьана иӡбам уи ахьықәргылахо – ахәыҷтәы поликлиника,  мамзаргьы ареабилитациатә ценрт аҟны   акәу. Аҭҵаарақәа рыла, уи аҩыза иҷыдоу ауадаҿы  40 нызқь- ҩык  ахәыҷқәа рыдкылара алнаршоит. Убри аҟынтә, иуҳәар ауеит атәыла зегьы ахы-аҵыхәа иазхоит ҳәа.

Иахьа уажәраанӡа ахәыҷқәеи адуцәеи ибзианы иахьынӡараҳауа злагәарҭо  амыруга   Агәыӡератәи ахәышәтәырҭаҿы акәын иахьыҟаз.

Аҟәа имҩаҧысуаз ардырратә семинар ахь иааҧхьан атәыла ахәышәтәырҭақәа рҟынтә аҳақьымцәа , хаҭала алымҳа ахәышәтәра знапы алаку, насгьы апсихологцәа, алогопедцәа, ахәыҷтәы ҳақьымцәа. Латвиатәи ахәыҷтәы центр аиҳабы, аҳақьым Сандра Кушке   еиҭалҳәеит алымҳа чымазара шьақәзыргыло амыруга ҿыцқәа рхархәашьа, насгьы лҧышәа аҟынтә аҿырҧштәқәа аалгеит. Ибзианы измаҳауа ахәыҷқәа  рчымазара   ашьақәргылашьа  амаӡақәа дырзааҭгылеит .

Ҳаҧхьаҟа  жәларбжьаратәи афонд «Аҧсны» ацхыраарала абжьы  узырҳауа   аппаратқәа раахәара азгәаҭоуп.
Шәхәыҷқәа ргәабзиара шәеиҷаҳарц  азы,   инашәыгӡалар  ауп  имариоу аҧҟарақәа. Урҭ рахь иаҵанакуеит ателербага  абжьы мыцхәы   ашьҭыхра    аанкылара .  Иара  убасгьы,  ахәыҷқәа   ахьҭа анрылала алымҳа чымазарахь имиасырц азы, ианаамҭоу аҳақьымцәа   шәрыдҵаала.

Амра Амҷҧҳа, Алықьса Агәхаа, АТ




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Февраль 2018
36
22 Февраль 2018
24
«Ишьхатәылоу Аҧсны» афонди, аурыс-географиатә еилазаареи Москватәи рштаб квартираҿы аусеицуразы аиқәшаҳаҭра рнапы аҵарҩит, жəабран 21 рзы.
22 Февраль 2018
111
Ари арыцхә аҳаҭыр азы аусмҩаҧгатә еиҿкаан Аҟәатәи ацәыргақәҵатә зал хадаҿы .
21 Февраль 2018
134
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
104
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
Загрузка плеера
Алаҳәарақәеи адныҳәаларақәеи
АГТРК