Ахәыҷтәы рҿиаратә ҩны «Аинар» аҟны иаатит ареспублика ақыҭақәа рыбжьаратә школқәа жәпакы рҵаҩцәа рфотоҭыхымҭақәа рцәаргақәҵа.

23.09.2016
815

Ахәыҷтәы рҿиаратә ҩны «Аинар» аҟны иаатит ареспублика ақыҭақәа рыбжьаратә школқәа жәпакы рҵаҩцәа рфотоҭыхымҭақәа рцәаргақәҵа. Уи рыбзоурахеит аиҿкаара Уорлд Вижни, иҳәынҭқарратәым аиҿкаара «Адунеии».

Жәларбжьаратәи аиҿкаара Уорлд Вижн Аҧсны иҟоуижьҭеи жәа-шықәса инареиҳаны иҵуеит. Ари аамҭа иалагӡан  араҟа имҩаҧнагахьеит еиуеиҧшым апроектқәа. Урҭ ируакуп шықәсык иалагӡан Аҧсны имҩаҧысуаз апроект «Адунеи ахәыҷы иблала» захьӡу. Ари апроект иадыҧхьалан   Аҧсны еиуеиҧшым араионқәа рҟынтәи жәа-қыҭак. Ақыҭахәыҷқәа рзыҳәан еиҿкаан хыҧхьаӡара рацәала аинтерес зҵоу атренингқәа, аекскурсиақәа, аиҧыларақәа, аицлабрақәа. Апроект хықәкы хадас иамоуп Аҧсны ақыҭақәа рҿы инхо ахәыҷқәа  раҧхьаҟа рыҧсҭазаараҿы ирыхәаша адыррақәа рыҭара, еиуеиҧшым ахырхарҭақәа рыла рырҿиара, насгьы, Аҧсны аҿар реизгара, аиҩызара рыбжьаҵара. Апроект  «Адунеи ахәыҷы иблала» аҳәаақәа ирҭагӡаны ахәыҷқәа рзыҳәан еиҿкаан апрофессионалтә фототыхыҩцәа злахәыз атренингқәа. Урҭ рхыркәшамҭаз ахәыҷқәа ирыҭан адҵа, досу ииҭаху  афотосахьа  ҭихырц. Анаҩс уи азҟазацәа ахә ршьарц азы.  Ари адҵа  иагьалҵшәахеит иахьатәи ацәыргақәҵа.  

Хьыбла Ҷыҭанаа лажәақәа рыла, лара даара бзиа илбоит ахәыҷқәа рфотосахьақәа рҭыхра. Уи иахьа иӡырылгаз аусумҭагьы ианыҧшуеит.

Ас еиҧш иҟоу апроектқәа даара аҵак ду рымоуп еиҳарак  ақыҭаҿ инхо ахәыҷқәа рзы. Уи иднарҵаз рацәоуп.
Апроект «Адунеи ахәыҷы иблала» иалахәын ҩынҩажәи аа-ҩык ахәыҷқәа. Зынӡа урҭ иаҧырҵеит х-нызқь инареиҳаны аҭыхымҭақәа. Аха урҭ рахьынтә ҩынҩажәи фба  роуп иалкааз ,  иахьатәи ацәыргақәҵа иалахәхазгьы. Афотоҭыхымҭақәа еиҳарак ирныҧшит Аҧсны ақыҭа ҧсҭазаара. Ацәыргақәҵа аҭааҩцәа араҟа иӡыргаз аусумҭақәа  даара  иҳаракны рыхә ршьеит.

Ацәыргақәҵа иаҭааит хыҧхьаӡара рацәала ауаа.  Ҩынҩажәи фба усумҭа рҟынтәи иалкаан хә-фотосахьак. Урҭ равторцәа ирыҭан аҳамҭақәа. Ацәыргақәҵа хыркәшахоит  цәыббра мза ҩажәи быжьба рзы.  

Н.Ақаҩба, М.Братухин ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
29
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
35
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
37
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
33
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК