Аҟәа имҩаҧысит IV Жәларбжьаратәи аҿартә арт-фестиваль «Амшын аҧшаҳәаҿы анеи-ааира».

26.09.2016
603

Амҽышаҽны Аҟәа имҩаҧысит IV Жәларбжьаратәи аҿартә арт-фестиваль «Амшын аҧшаҳәаҿы анеи-ааира». Есышықәса уи еиҿыркауеит Аҧсны акультуреи  аҭоурыхтә культуратә  ҭынхеи   рминистрреи  Иван Папасқьыр ихьӡ зху амилаҭтә библиотекеи. Иара   хықәкы хадас иамоуп изызҳауа аҿар ашәҟәыҧхьара агәыбылра дыркра.

Аҟәа Амҳаџьыраа рыҧшаҳәа ҽнак ҭыҧ-ҭыҧла еихшаны иҟан. Аҭааҩцәа зҿлымҳарыла ирҭаауан ахәыҷтәи арҵагатә шәҟәқәеи рҭыҧқәа, амилаҭтә ҟазара аҭыҧ, акәашареи, амузикеи, аспорти рҭыҧқәа ,  
Аха ихадоу ҭыҧны иҟан – алитературеи абиблиотекеи рҭыҧ. Ара ицәыргақәҵан Аҧсни Урыстәылеи иҭыжьу ашәҟәы ҿыцқәа. Зегьы ирыман алшара иразу ижәытәу алозунг «Ашәҟәы иреиҕьу ҳамҭоуп» ргәаларшәо, ирҭаху ашәҟәқәа рхази рҩызцәа рзи ралхра.

Афестиваль аҿы иҟан иара убас ахәыҷқәа,  Амилаҭтә библиотека аусуҩцәа рнапаҟынтә ҳамҭас изауз раҧхьаӡатәи рышәҟәы. Иааидкыланы, афестиваль аҿы ҳамҭас ишан ҩ-нызқь рҟынӡа ашәҟәқәа.
Аҿыханҵа аҟазара аҭыҧ аҿы ицәырган Очамчыратәи аҟазара ашкол аҵаҩцәа русумҭақәа. Ааигәа зықәра маҷыз ахәыҷқәа аҭыхраҿы рыҽҧыршәон.

Амилаҭтә напҟазара аҭыҧ аҿы иусумҭақәа ӡыригеит Тҟәарчалтәи ашкол аҵаҩы Инал Харчлаа.
Хаз аҭыҧ аман иуникалтәу архивтә фотоҭыхымҭақәа рцәыргақәҵа. Урҭ рхыҧхьаӡараҿы иҟоуп Нестор Лакоба аҧсуа уапа ахьишәу, ауаа ирымбац афотосахьа. Арепатриациазы аҳәынҭқарратә еилакы афонд аиҳабы Џьон Смыр иусура хада аҟынтәи хҭацәыхак шааиоулак, дазҿлымҳауп аҭоурыхтә фотосахьақәа реизгара.
Џьон Смыр ихатәы архив аҿы еидикылахьеит фышә фотоҭыхымҭа, зынӡа иажәхьоу аиҭашьақәыргылара иахижьуеит. «Нарҭаа рхылҵшьҭра» ҳәа захьӡхо афотоальбом аҭыжьра азҧхьагәаҭны ирымоуп Арепатриациазы аҳәынҭқарратә еилакаҿы.  

Афествиаль аҳәаақәа ирҭагӡаны, иӡырган аҧсуа поетцәа ҿарацәа рҩымҭақәа реизга «Аӡаӡа арыцқәа».
Амузеи аҭыҧ аҿы ицәыргақәҵоуп  Алада Ешыратәи амузеи аекспонатқәа. Ихадоу аҭыҧ ааннакылоит Аҧсны Раҧхьатәи ахада Владислав Арӡынба изку аекспозициа.

Амра Амҷҧҳа, Саид Агәхаа, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
41
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
114
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
98
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
140
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК