Аҧсны аҳəынҭқарра Ахада Рауль Ҳаџьымба амассатə-информациа ахархəагақəа рнапхгаҩцəа алархəны имҩаҧигеит апресс-конференциа.

27.09.2016
639

Аҳәынҭқарра асоциал- економикатәи аполитикатәи ҭагылазаашьа, ҩ-шықәса ирылагӡаны ареспублика анапхгара ирылшаз ирылымшаз атәы далацәажәеит Аҧсны Ахада Рауль Ҳаџьымба иҳәынҭқарратәуи, иҳәынҭқарратәыми амассатә информациатә хархәагақәа рнапхгаҩцәа алархәны имҩаҧигаз апресс- конференциа аҟны.

 Рауль Ҳаџьымба зегь раҧхьа иргылан, Аҧсныжәлар ирыдиныҳәалеит АҞәа ахақәиҭтәреи, Аиааира ду агареи рымш. Иҟаиҵеит ажурналистцәа рызҵаарақәа рҭакқәа. Атәыла ахада Рауль Ҳаџьымба асеиҧш амассатә информациа ахархәагақәа рнапхгаҩцәа алархәны апресс- конференциақәа мҩаҧигахьеит хынтә. Уажәтәи азкын ҩ-шықәса ирылагӡаны анапхгара ирылшаз ирылымшаз, иара убасгьы ареспублика аҩныҵҟатәии адәныҟатәии аполитика. Атәыла ахада иҳәеит, иара изы иарку атема шыҟам. Атәыла Ахада аиааира ажәлар ирыдныҳәало иазгәеиҭеит, уи амш ҟаларц азы аҧсадгьыл ахьчара рхы шақәырҵаз зықьҩыла иара аҵеицәеи, хатәгәаҧхарала аибашьра аан иҳацхраауази.

Амассатә информациа хархәагақәа рнапхгаҩцәа рызҵаарақәа рҭак ҟаҵо, Рауль Ҳаџьымба иҳәеит, ҩ-шықәса ирылагӡаны аекономикатәи, асоциалтәи зҵаарақәа рыӡбараҿы аиҳабыра ирылшахьоу шмаҷым. Аха ишыҟоу изхьымӡацгьы. Атәыла Ахада иазгәеиҭеит, сынтәа ареспублика аҟны аекономика аганахь ала аусқәа реиҿкаашьа ҳаҧхьаҟа агәыҕра шунаҭо. Аиҳабыра реилазаара аҧсахра азҵаара далацәажәо, Рауль Ҳаџьымба иҳәеит, ари аус аҟны ибааҧсу акагьы шимбо. Аусура ишадрыҧхьало ззанааҭ дырра ҳараку аминистрцәа. Адәныҟатәи аусқәа рминистр имаҵура анаанижь анаҩс, иҟаиҵаз аҳәамҭа аҭакс атәыла ахада иазгәеиҭеит , дызлацәажәаз азҵаарақәа рзы изыхәҭоу аусбарҭақәа иахьынӡаиашоу ашьақәыргылара ишаҿу.

Аинформациа- координациатә центр аиҿкаара азҵаара аҭакс, Рауль Ҳаџьымба иҳәеит, раҧхьа Аҧсны анапхгара ирыдгалаз аиқәшаҳаҭра апроект аҧсахрақәа акыр шалагалоу. Аоппозициатә блок еиднакыло имҩаҧыргаз аконференциа аҟны иҳәан октиабр азы Аҧсны аинтерес зҵоу ахҭысқәа ҟалараны иҟоуп ҳәа. Уи атәыла Ахада дышҧахәаҧшуеи ҳәа ишьҭыхыз азҵаара аҭакс Рауль Ҳаџьымба иҳәеит, аҳәынҭқарра аҩныҵҟа аҭагылазаашьа аруадаҩра аӡәгьы азин шимам. Изыхәҭоу аусбарҭақәа ари азҵаара ишахылаҧшуа. 

Атәыла Ахада убасгьы иазгәеиҭеит, иааиуа ашықәс азы иазгәаҭоу апарламенттә алхрақәа уанӡатәи асистема ала ишымҩаҧгахо, алхрақәа рзы азакуан аҧсахрақәа ралагалара иахьахьымӡо аҟнытә. Урҭ алхрақәа раан абжьыҭара азин ыҟоуп ажәытә тәылауаҩ шәҟәқәа рылагьы. оппозициа ахаҭарнакцәеи Аҧсны анапхгареи реимадара шҧаҟоу ҳәа азҵаара аҭакс, Рауль Ҳаџьымба иҳәеит, иара идҵала Аҧыза- министр Беслан Барцыц аицәажәарақәа шымҩаҧигаз дара рхаҭарнакцәа алархәны. Атәыла ахада Рауль Ҳаџьымба апресс- конференциаҿы убасгьы рҭак ҟаиҵеит ажурналистцәа ишьҭырхуаз азҵаарақәа зегьы.

 Д. Инаҧшьба, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Февраль 2018
176
14 Февраль 2018
177
14 Февраль 2018
155
Ари аҽны арҧыси аҧҳәызбеи еимырдоит рыбзиабара зырҵабыргуа аҳамҭақәа.
14 Февраль 2018
129
Аспектакль « Хә-хәылҧазык » афестиваль аҳамҭа ҷыда иаҧсахеит.
14 Февраль 2018
193
Сынтәа - атәанчаҩцәа ҩынтәны ашәҟәы рыҽҭаргалароуп - ашықәс алагамҭеи уи анҵәамҭеи рзы.
14 Февраль 2018
148
Иара уи ишазыхиоу, насгьы иаланхо ауааҧсыра рҿаҧхьа усӡбатәқәас иқәгылоу ртәы еилыркаауан ҳкорреспондентцәа.
13 Февраль 2018
107
Загрузка плеера
Алаҳәарақәеи адныҳәаларақәеи
АГТРК