Аҟәа ахақәиҭтәра 23 шықәса ахыҵра аҳаҭыр азы , амшын ахықәан еиҿкаан афотоҭыхымҭақәа рцәыргақәҵа.

27.09.2016
1005

Аҟәа ахақәиҭтәра 23 шықәса ахыҵра аҳаҭыр азы амшын ахықәан еиҿкаан афотоҭыхымҭақәа рцәыргақәҵа. Урҭ авторс дрымоуп Дамаскынтәи Аҧсныҟа нхара иааз Зевар Каншао. 

Ахәаҧшыҩцәа гәахәарала ирыдыркылеит тематикала еиҧшымыз аҭыхымҭақәа. Аҟәа - Зевар иблала. Амшын аҧшаҳәа, Гәымсҭатәи ацҳа, аҧсабаратә цәырҵрақәа, аҳҭнықалақь аҿы инхо аҧстәқәагьы , афотоҭыхыҩ қәыҧш Зевар Каншао иобектив иҵашәо зегь ҭихуеит. Иара дхәыҷы аахыс бзиа ибоит афотоҭыхымҭақәа рыҟаҵара, дахьцалакгьы ицуп аҭыхга.

Ҧшьышықәса раҧхьа Зевар Шьамтәылантәи Аҧсныҟа дааит, араҟагьы бзиа иибо аус иациҵеит. Ҵыҧх аҟазаратә фестиваль ҳәа еиҿкааз арт -фестиваль аҿы аиааирагьы игеит. Аҿар рызҵаатәқәа рзы ақалақьтә хеилак иднаҵеит хаҭалатәи ацәыргақәҵа аиҿкаара. Сынтәа уи алыршахеит.

Зевар иусумҭақәа ацәыргақәҵа аҭааҩцәа азҿлымҳара арҭеит, дара аҧсҭазаара ҿыц, аҿиара иатәуп , азгәеиҭеит акультуреи аҭоурыхтә культура ҭынха ахьчареи рзы аминистр лхаҭыҧуаҩ Баҭал Кобахьиа.

Зевар ихыҵуа ҩажәи ҧшьба шықәса роуп, иаҧхьаҟа бзиа иибо изаанаҭ ааныжьра игәы иҭам, иҭахуп уи ахырхарҭала ихатә ҷыдара зныҧшуа афотоҭыхымҭа ҿыцқәа рыҟаҵара. 

Альбина Жьиҧҳа, Михаил Братухин ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
32
Аҧснынтә ари аибашьра иалахәын хышә-ҩык рҿынӡа.
31
Еиуеиҧшым амзызқәа ирыхҟьаны , атәылауаҩшәҟәы аҧсахра иахьымӡаз дарбанзаалак, идокумент амч ацәыӡит
36
Уи мҩаҧнагеит ауаажәларратә еиҿкаара «Амч » .
31
Ари арыцхә иазкны АҞәа иаартын афотосахьақәа рцәыргақәҵа.
31
Урҭ рызшахоит ахәышәтәырҭақәа реиҧш, аполиклиникақәагьы.
Алаҳәарақәеи адныҳәаларақәеи
АГТРК