Аҟәа имҩаҧган арратә парад аҵыхәтәантәи аҽазыҟаҵара.

28.09.2016
978

Иааигәахеит Аиааира  Ду  амш  ныҳәа.   Аҟәа  имҩаҧган   арратә  парад     аҵыхәтәантәи аҽазыҟаҵара.  Иара  убасгьы,    Аҧсны  атәылахьчара  аминистрра  аҟны    еиҿкаан     аныҳәатә    еилатәара.  Уи иалахәын    Аҧсны  ахада ихаҭыҧуаҩ   Витали Габниа,   Аҧыза- министр Беслан Барцыц.
  
Аруаа   аиааира  аныҳәа    даҽакала   иазнеиуазар  ауеит  егьырҭ  зегьы раасҭа. Избанзар,  иахьагьы  ар рымаҭәа       зшәу рахьтә  имаҷҩым 1992- шықәса рзы  Қырҭтәылатәи    ампыҵахалаҩцәа   ирҿагылаз.  Есышықәса   аиааира агара  амш аламҭалазы   Атәылахьчара  аминистрраҿы   имҩаҧырго   аилатәара,   аруаа реиҧш  иалахәуп    аветеранцәагьы.

Аиааира ду  аруаа ирыдныҳәало, Аҧсны  Афырхаҵа     Атәылахьчара  аминистр,  ар аинрал    Мираб Кьышьмариа иазгәеиҭеит,  1993  шықәса,   сентиабр 30      амш  азааигәахара   имариаз  усны  ишыҟамыз,  мрагыларахьтәи  мраҭашәарахьтәи  афронтқәа рҟны. Аиааира агаразы   аҧсадгьыл ахьчара рхы  ақәырҵеит    2500-ҩык инарыцны  агәымшәақәа.  Дара  рхыҧхьаӡараҿы иҟоуп    иҳацхраарц  хатәгәаҧхарала  арахь иааз.

Мираб Кьышьмариа  аруаа ирзеиҕьеишьеит   аманшәалара. Иҳәеит, ҳаҧхьаҟагьы  атәылахьчара  аминистрра    аҳәынҭқарра    аинтересқәа   рыхьчара   ишазыхиоу.

  Аҧсны  Ахадеи,  хаҭала иара ихьӡалеи Атәылахьчара  аминистрра  аруаа   дрыдныҳәалеит   Аҳәынҭқарра Ахада  ихаҭыҧуаҩ Витали Габниа.  Иазгәеиҭеит,   аидгылара аныҟала,    уззымиааиуа   апроблема   шыҟам.  Ҳара  ус  ҳаҟан  1992  шықәса рзы, - иҳәеит Витали Габниа.

Аҧсны  Жәлар Рџьынџьтәылатә еибашьра  аҟны игаз аиааира   аҳаҭыр азы   Атәылахьчара  аминистр идҵала, зҽалызкааз афицарцәа    чынла ишьҭыхын.  Иара убасгьы,  зырратә  уалҧшьа анагӡара аҟны   иҿырҧшыгоу иранашьан   амедалқәеи, аҳаҭыртә  бҕьыцқәеи.

Сентиабр  30   рҽны,   Аҧсны  аҳҭнықалақь  аҿы имҩаҧгахо  аныҳәа   аҟны   имҩаҧгахоит   ар рпарад. Иара    ҳреспублика    Атәылахьчара  аминистрра архәҭақәа   реиҧш   убасгьы   иалахәхоит   Урыстәыла   абыжьбатәи ар рбазеи, Аҧсны иҟоу  Урыстәыла  аҳәаахьчаҩцәа русбарҭеи   рыруаа.   Имҩаҧган   апарад  аҵыхәтәантәи    аҽазыҟаҵара.  Иара аиҿкаашьа   иахәаҧшит   Аҧсны Ахада ихаҭыҧуаҩ   Витали Габниеи,  Аҧсны  Атәылахьчара  аминистр    Мираб Кьышьмариеи.  Аиааира  амш аҽны  ар  рпарад мҩаҧгахоит,  Аҧсадгьыл ахьчара  аан иҭахаз Аҟәатәи рбаҟа  аҿаҧхьа.

Д.Инаҧшьба , Алықьса  Агәхаа,  АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
14 Август 2018
24
14 Август 2018
3
Урҭ ргәалашәара амш аҽны уахь инеит араион ахадара, ауаажəларра.
14 Август 2018
5
Аҳҭнықалақь аҿы урҭ алагеит асааҭ жәеиза рзы, Ахьӡ-Аҧша апарк аҿы ашәҭқәа рышьҭаҵара ала.
14 Август 2018
11
26 шықәса раҧхьа , нанҳәамза 14 рзы Қырҭтәыла архәҭақәа Аҧсны иақәлеит ампыҵахаларазы.
13 Август 2018
69
Загрузка плеера
Алаҳәарақәеи адныҳәаларақәеи
АГТРК