Афильм «Ҳара ҳаруаа реиҳабы» ахҧатәи, аҵыхәтәантәи ахәҭа аӡыргара мҩаҧысит Аҟәа

28.09.2016
934

Афильм  «Ҳара ҳаруаа реиҳабы»  ахҧатәи, аҵыхәтәантәи  ахәҭа аӡыргара мҩаҧысит  Аҟәа . Аибашьра  иалиааз ашәақәа рыла  еиҿкааз аконцерт анаҩс , иӡырган  амузыкатә фильм ахаҭа.  Иара иахәаҧшуаз   рхыҧхьаӡараҿы иҟан атәыла анапхгара, аибашьра аветеранцәа,  иара убас зхыҧхьаӡара маҷмыз  ауааҧсыра.

Хәыҷи дуи бзиа еицырбо, еицырҳәо  аибашьра иалиааз ашәақәа зегьы реизгара алыршахеит апроект «Ҳара Ҳаруаа реиҳабы» аҿы. Х-хәҭак рыла ишьақәгылоу афильмқәа рҿы афырхаҵареи агәымшәареи, аибашьра иахылҿиааз агәаҟреи ирызку ашәақәа нарыгӡоит ҿыц еиҵагылаз абиҧара, забацәа  аибашьра иалагылаз, зыбзоурала иахьа ихьыҧшым аҳәынҭқарра абираҟ ахашәыршәыруа. Урҭ рхаҿсахьақәа убар улшон Сергеи Багаҧшь ихьӡ зху ашҭаҟнытә, аҧшаҳәа иаваршәны игылаз абанерқәа рҿы. Аибашьцәа ргәаларшәара аҳаҭыраз, аруаа иҿымцәаауа амца кны афырхацәа рхаҿсахьақәа дырлашон.

Еизаз минуҭктәи аҿымҭрала иргәаладыршәеит иҭахаз аибашьцәа  зегьы. Анаҩс, Аҧсны ахада Руаль Ҳаџьымба ҳтәыла ауааҧсыра Аҟәа ахақәиҭтәра амш рыдныҳәало иазгәеиҭеит, Аҧсны раҧхьатәи Ахада Владислав Арӡынба игәаларшәара иазку Емма Хәаџьаа авторс дызмоу апроет «Ҳара ҳаруаа реиҳабы» ҿыц еиҵагыло абиҧара рзы акыр шаҵанакуа. Иҭабуп ҳәа реиҳәеит, уи аиҿкаара зыбзоурахаз.
Афильм ахҧатәи ахәҭаҿы иӡыргоуп ашәа ҿыцқәа ааба. Урҭ аус рыдуланы хаҭабзиара ҳаракыла еиҭаҭаҩуп астудиа АМА-Рекордс аҿы. Акомпозитор Анри Гәымба иазгәеиҭеит, апроект иалагӡаны иҟаҵаз ашәақәа зегьы рхы рыҧсы адкыланы ишҭарыҩуаз.

Апроект автор Емма Хәаџьаа илҳәеит, зегь раҧхьа иргылан афильмқәа рыла иаалырҧшырц илҭахыз абиҧарақәа реимадара шакәыз.

Афильм аӡыргара хыркәшан асимволтә ҵакы змоу  ашәа « Ҳара ҳаруаа реиҳабы» ала, иара еицырҳәон зегьы, уи анҵәамҭаз игон акыраамҭа еихымсыҕьуаз анапеинҟьабжьқəа.

Альбина Жьиҧҳа, Рената  Шьакаиа, Артур Каландиа,АТ.





Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Аҭыжьымҭаҿы:Сергеи Багаҧшь ибаҟа ақәыргыларазы аконкурс рылаҳәахоит. Амонументалтә ҟазаразы аҳәынҭқарратә комиссиа аилатәара аихшьаалақәа.
11
Ахәаҧшцәа хәыҷқәа идырбан ауаҧс жәлар рҳәамҭақәа рмотивқәа рыла иқәыргылоу «Ашьхақәа рлегенда» захьӡу аспектакль.
5
Аминистрра асаит аҿы иаҧҵоуп ашәахтәшәаҩы иуада захьӡу амаҵзура.
3
Уаҟа ирылацәажәеит Аҧсны иналукааша аполитикатә усзуҩцәеи, аруааи, аҟазара аусхки рҿы зыхьӡ нагоу рбаҟақәа рықәыргылара азҵаара.
Алаҳәарақәеи адныҳәаларақәеи
АГТРК