Аилахәыра Аҟәафон ахаҭарнакцәа иацырҵоит ақалақьқәеи араионқәеи рҿы абираҟқәа рықәыргыларазы имҩаҧырго аусқәа.

28.09.2016
713

Аиааира амш аламҭалазы Аилахәыра Аҟәафон ахаҭарнакцәа иацырҵоит ақалақьқәеи араионқәеи рҿы абираҟқәа рықәыргыларазы имҩаҧырго аусқәа. Убас, Очамчыра араион Маркəыла ақыҭахь уназго амҩа хада аҟны ҩажәа метра иҳаракны Аҧсны абираҟ шьҭырхит. 

нызқьи жәба шықәса раахыс, Аҧсны араионқәеи ақалақьеи рҿы аиҧш зеиҧшу абираҟқәа аилахәыра Аҟәафон ахаҭарнакцәа ақәыргылара иаҿуп. Иуҳәар алашоит, ари ихацыркыз акциа қәҿиарала имҩаҧысуеит ҳәа . Очамчыра араион Маркəыла ақыҭахь уназго амҩахадаҿгьы иқәыргылан абираҟ. Аилахәыра Аҟәафон ахаҭарнакцәа ирҳәоит, ари акциа аҵак ду шамоу атәы. Аиааира 23 шықәса ахыҵра аламҭалазы ари аҭыҧаҿ абираҟ ашьҭыхра машәыршақә иҟамлеит. Аҧсны ахақәиҭтәразы рыҧсадгьыл рхы ақәырҵеит хыҧхьаӡара рацәала Маркəылаа рҵеицәа. Уажәы абираҟ ахьықәыргылаз аҭыҧ аҿы, аҧхьаҟа ргәы иҭоуп аибашьцәа ргәалашәара аҳаҭыр азы абаҳча аиҿкаара. Аилахәыра Аҟәафон ахаҭаранакцәа ргәы иҭоуп, Аҳәынҭқарратә бираҟ Ҧсоу аҳәааҿгьы ақәыргылара. 

Абираҟ ашьҭыхра рхы аладырхәит аибашьра аветеранцәа, Маркəыла ақыҭа ахадара, ашколхәыҷқәа . Агимн арҳәарала Очамчыратәи ашкол –интернат иреиҕьу аҵаҩцәа ҩажәа метра аҳаракырахь ишьҭырхит Аҧсны абираҟ. Ари агәырҕьаратә еиҧылараҿы иқәгылоз зегьы иазгәарҭон, Аҧсны арионқәа рҿы аиҧш зеиҧшу абираҟқәа рықәыргылара ихҭыс дууны ишыҟалаз атәы. Ашколхәыҷқәа ракәзар, ирыҧхьеит ажәеинраалақәа инарыгӡеит акəашарақәа. Уажәшьҭаранахыс, Очамчыра араион амҩа хадақәа руак аҿы, иахашәыршәырлоит ахақәиҭреи аиааиреи ирсимвалоу Аҧсны Абираҟ.

Фатима Гьергьиаҧҳа, Асҭамыр Гәажәба ,АТ .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
45
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
128
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
100
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
142
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК