Аҧсны атәылахьчара аминистрреи, Арбџьармчқәа рыштаб Хадеи еиҿкаауижьҭеи 24 шықәса ҵит.

11.10.2016
807

Аҧсны атәылахьчара аминистрреи, Арбџьармчқәа рыштаб хадеи еиҿкаауижьҭеи 24 шықәса ҵит. Атәылахьчара раҧхьатәи аминистрс дҟаҵан Владимир Аршба, Арбџьармчқәа рыштаб хада аиҳабыс Сулҭан Сосналиев. Аҧсны Ахада, Арбџьармчқәа ркомандаҟаҵаҩ хада Рауль Ҳаџьымба аруаа ирыдиныҳәалеит Рымшныҳәа. Аиҳабыратәи абиҧара иаҵанакуа аруаа аветеранцәа ибзиан иргәалашәоит уи амш. Октиабр жәеиза, 1992 шықәса рзы Аҧсны Иреиҳаӡоу Асовет Апрезидиум Ақәҵара аднакылеит Атәылахьчара аминистрреи, Арбџьармчқәа рыштаб хадеи раҧҵаразы. ри арыцхә ҧхьаӡоуп аруаа ирымшныҳәаны. Атәылахьчара аминистрра анапхгареи, аруааи ашәҭқәа шьҭарҵеит Аҧсны Жәлар Рџьынџьтәылатә еибашьра анцоз аҧсадгьыл ахьчара зхы ақәызҵаз Аҟәатәи рбаҟа амҵан. Анаҩс, Атәылахьчара аминистрраҿы имҩаҧган агәырҕьаратә еилатәара. Уи рхы аладырхәт атәыла Ахада, Арбџьармчқәа ркомандаҟаҵаҩ хада Рауль Ҳаџьымба, атәыла ахада ихаҭыҧуаҩ Витали Габниа, Жәлар реизара аиҳабы Валери Бганба. Атәылахьчара аминистрреи, Арџбџьармчқа рыштаб хада аҧҵареи Рымш аруаа ирыдныҳәало, атəылахьчара аминистр Мираб Кьышьмариа иазгәеиҭеит, уи аҵак ду шамаз ҧхьаҟатәи аиааира агара аус аҿы. Атәыла Ахада , Арбџьармчқәа ркомандаҟаҵаҩ хада Рауль Ҳаџьымба аруаа дрыдныҳәало иҳәеит, уи аиҿкааҩцәеи анапхгаҩцәеи ирылшаз акыр ишырацәоу. Агәырҕьаратә еилатәара далахәын раҧхьатәи Аҧсны атәылахьчара аминистр Владимир Аршба. Виачеслав Ешба иҩызцәа аруаа дрыдныҳәало иазгәеиҭеит, Атәылахьчара аминистрра инанагӡо анапынҵа акыр шаҵанакуа аҭынчра аиқәрахарзы. Ҳара зегьы аруаа ирылҵыз ҳауп, - иҳәеит Аҧыза- министр ихаҭыҧуаҩ, Аҩныҵҟатәи аусқәа рминистр Аслан Кобахьиа иҟаиҵаз адныҳәалараҿы. Аҧсны Арбџьармчқәа рышьақәгылараҿы рлагала азы, Аҧсны Ахада Рауль Ҳаџьымба Иусҧҟала, аинрал полковник ичын иҭан Атәылахьчара аминистр актәи ихаҭыҧуаҩ, Арбџьармчқәа рыштаб хада аиҳабы Анатоли Хрулиов, Атәылахьчара аминистр актәи ихаҭыҧуаҩ Беслан Ҵәыџьба аинрал- леитенант ичын иҭан.Аҧсны Ахада Иусҧҟала убасгьы аиустициа полковникцәа ҳәа ахьыӡ рыхҵан Аҧсны арратә прокурор Адгәыр Агрбеи, арратә прокурор ихҭаҧыуаҩ Беслан Ҭарбеи. Аныҳәа аҳаҭыр азы, Аҧсны атәылахьчара аминистр идҵала, зҽалызкааз афицарцәа чынла ишьҭыхын, иара убасгьы иранашьан амедалқәеи, аҳаҭыртә шәҟәқәеи. Д.Инаҧшьба, Алықьса Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
129
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
115
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
140
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
105
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
91
15 Август 2018
73
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК