Аҧсны адәныҟатәи аусқәа рминстрраҿы имҩаҧысыз апресс-конференциа аҟны еихыршьаалеит Женеватәи аиҿцәажәарақәа рлыҵшәақәа.

11.10.2016
1103

Аҧсны адәныҟатәи аусқәа рминстрраҿы имҩаҧысыз апресс-конференциа аҟны    еихыршьаалеит   Женеватәи   аиҿцәажәарақәа рлыҵшәақәа.
  
Апресс-конференциа алагамҭаз, Аҧсны адәныҟатәи аусқәа рминистр Даур Ақаҩба иазгәеиҭеит, Женеватәи аиҿцәажәарақәа Жәларбжьаратәи  ахеилакқәа злахәу , ҳтәылазы  акыр зҵазкуа зҵаараны   ишыҟоу. Октиабр 4,5, рзы Женева имҩаҧысуаз аиҿцәажәарақәа ирылахәыз Аҧснытәи аделегациа напхгара аиҭон Кан Ҭаниа.

Абжьааҧны еиҧш,  аиҿцәажәарақәа рҿы аус руан ҩ-гәыҧк, ашәардадареи агуманитартә зҵаарақәеи рзы.
Макьана Қырҭтәыла аганахьала,  анапы  аҵаҩымкәа иаанхоит аҧсуа ган азы ихадоу аиқәышаҳаҭра ,  аибашьра алзымыршо ашәҟәы  адкылара. Аиҿцәажәарақәа рҿы иазааҭгылан  Аҧсныи Қырҭтәылеи рҳәаа    азҵаатәы.  Еиҳараӡакгьы  Гал араион ауааҧсыра ҧықәсылада  аҳәаа рахысра,  иара убас ааигәа иаркыз агәаҭаратә-  аушьҭырҭатә   ҭыҧқәа  ҩба рызҵаатәы. Аҧсуа ган ргәынамӡара рҳәеит Қырҭтәыла адәныҟатәи аусқәа рминистрра ауаҩы изинқәа рыхьчаразы акьыҧхь иадырбо ажәахәқәа рзы. Уи инамаданы,  аҧсуа ган иҟанаҵеит аҳәамҭа,  ажәахәқәа рҿы иарбоу аинформациа иашам  ҳәа.  Аҳәамҭа   ҟаҵан иара убас НАТО Қырҭтәыла имҩаҧнаго арратә ҽазыҟаҵарақәа  рзы. Урҭ Аҧсны азы  ашәарҭара зцу ак акәны иҧхьаӡоуп. Абас  азгәаҭоуп аҧсуа ган иҟанаҵаз  аҳәамҭаҿы.

Иааидкыланы, ҩажәи жәибыжьтәи Женеватәи аиҿцәажәарақәа ҳгәы ишаанагоз имҩаҧысит, иҳәеит Аҧсны адәныҟатәи аусқәа рминистр ихаҭыҧуаҩ Кан Ҭаниа.  

Альбина Жьиҧҳа, Михаил Братухин ,АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
28
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
36
Иара Аҧсны амилаҭтә олимпиатә еилакы аҿы  адныҳәаларақәа идикылон
27
Убри инамаданы имҩаҧган афонд ахаҭарнакцәа злахәыз апресс-конференциа.
45
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК