Владислав Арӡынба ихьӡ зху Ахьӡ-аҧша амузеи аҟны иаатит абашьра иазку асатиратә карикатурақәа рцәыргақәҵа.

11.10.2016
601

Владислав Арӡынба ихьӡ зху Ахьӡ-аҧша амузеи аҟны иаатит абашьра иазку асатиратә карикатурақәа рцәыргақәҵа. Ҩажәижәаба усумҭа иреиҳаны  еидызкыло астенд аҿы икыду аусумҭақәа авторцәас ирымоуп ҧшьҩык асахьаҭыхыҩцәа.

Влаидслав Григори-иҧа Арӡынба ихьӡ зху Ахьӡ  - аҧша амузеи иуникалтәу аекспонатқәа харҭәаахеит аинтерес зҵоу даҽа стендк ала. Ари ауадаҿы еизгоуп аибашьраани, аибашьра ашьҭахьтәи ашықәсқәеи рзы иҟаҵаз, аибашьра иазку акарикатурақәа. Араҟа икыдуп ҧшьҩык авторцәа рҭыхымҭақәа. Амузеи аиҳабы, Аҧсны Афырхаҵа Мзиа Беиа лажәақәа рыла, лара илҭахын ари атема иазку аекспонатқәа зегьы цәыргақәҵак аҿы аизгара,  аха аҭыҧ азымхара иахҟьаны, урҭ ҩ-хәҭакны еихшатәхеит. Аха, ҳәарада, урҭгьы ахәаҧшцәа лассы идырбахоит. Ацәыргақәҵа аартуа, Мзиа Беиа  акарикатуратә сахьақәа амузеи иарҭарц азы аҳәара зылҭаз асахьаҭыхыҩцәа аӡәгьы мап ахьыимкыз  иҭабуп ҳәа ралҳәеит.  Ацәыргақәҵа аартраҿы иқәгылаз асахьаҭыхыҩцәа ирҳәеит, арҭ акарикатурақәа Владислав Арӡынба идҵала ишҭырхуаз. Усҟан еиҿкааз апропогандатә ҟәша аусзуҩцәа рнапы алакын ауааҧсыра ргәы ашьҭыхра. Ари аус аҟны ацхыраара ду ҟарҵон асахьаҭыхыҩцәа.

Гарри Дочиа араҟа зусумҭақәа цәыргақәҵоу авторцәа дыруаӡәкуп. Иара иажәақәа рыла, аибашьра аамҭа хьанҭазы асеиҧш асатиратә сахьақәа аҵак ду рыман. Асахьаҭыхыҩцәа иааиҧмырҟьаӡакәа аус руан. Урҭ рнапы иҵыҵуаз акарикатурақәа аҭынч уааҧсыра реҧш, аибашьцәагьы ргәы шьҭырхуан.
Уажәтәи ацәыргақәҵа еиднакылеит  ҩажәи жәаба усумҭа инарзынаҧшуа. Асахьаҭыхыҩ Нугзар Логәуа  дреиуоуп, зырҿиамҭаҿы асатиратә ҧҵамҭақәагьы ыҟоу. Аибашьраан иҭихыз урҭ аусумҭақәа зегьы, иара Ахьӡ-аҧша амузеи ишаиҭо азы ажәа иҳәахьеит.

Ацәыргақәҵа мҩаҧыслоит ҩымз инырзынаҧшуа. Амузеи аусзуҩцәа уи аҭааразы агәаҳәара змоу зегьы ааҧхьара рырҭоит.

Елана Лашәриа, Асҭамыр Гәажәба, АТ.








Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Февраль 2018
36
22 Февраль 2018
24
«Ишьхатәылоу Аҧсны» афонди, аурыс-географиатә еилазаареи Москватәи рштаб квартираҿы аусеицуразы аиқәшаҳаҭра рнапы аҵарҩит, жəабран 21 рзы.
22 Февраль 2018
111
Ари арыцхә аҳаҭыр азы аусмҩаҧгатә еиҿкаан Аҟәатәи ацәыргақәҵатә зал хадаҿы .
21 Февраль 2018
134
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
104
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
Загрузка плеера
Алаҳәарақәеи адныҳәаларақәеи
АГТРК