Аҧсны Ахада Рауль Ҳаџьымба идикылеит акультура аусзуҩцәа рхаҭарнакцәа.

12.10.2016
619

Аҧсны Ахада Рауль Ҳаџьымба идикылеит акультура аусзуҩцәа рхаҭарнакцәа. Аиҧылараҿы излацәажәоз азҵаарақәа рхыҧхьаӡараҿ иҟан Аҟәа, Пушкин имҩаҿы игылоу Асахьаҭыхратә галлереиа аҩны 2017 шықәса рзы аиҭашьақәаргылара ахацыркра азҵаара.

Аҧсны акультура аминистр Ельвира Арсалиеи ,асахьаҭыхыҩцәа рхеилак ахантәаҩы  Адгәыр Амҧари, асахьаҭыхыҩ , аскульптор Витали Џьениеи аҳәынҭқарра Ахада иҧылараан ирҳәеит, иахәҭаны ишырыҧхьаӡаз,  Асахьаҭыхыҩцәа Реидгылаҿы  зыӡбара хымҧадатәиу азҵаарақәа атәыла Ахада изеиҭаҳәара.
Аҧсны Ахада иеилыркаан  ацәыргақәҵатә зал аҿы аиҭашьақәыргыларатә  усурақәа шымҩаҧысуеи урҭ анхыркәшахоуи ртәы.

Ҷыдала иазааҭгылан аҭыхымҭақәа ахьырҵәахуа аҭыҧ  азҵаара. Ари ахыбра акыр иуашәшәыроуп. Ирҭаху ахылаҧшра рымаӡамкәа иаанханы иҟоуп  ҧшь-нызқь инарзынаҧшуа еицырдыруа аҟазацәа русумҭақәа. Урҭ рхыҧхьаӡараҿы Александр Шервашидзе-Чачба иҭахымҭақәа, ашедеврқәа. Убри аан Ельвира Арсалыиа илҳәеит,  хара имгакәа ишазгәаҭахо Александр  Шервашидзе –Чачба диижьҭеи шәи ҩынҩажәи жәаба шықәса аҵра. Усҟан еиҿкаахо иҭыхымҭақәа рцәыргақәҵахь инагатәу асахьақәа заа ишеилыхтәу. Аҧсны асахьаҭыхыҩцәа рхеилак ахантәаҩы Адгәыр Амҧар Аҳәынҭқарра ахада иахь аҳәара ҟаиҵеит, ари азҵаара аӡбараҿы дрыцхраарц азы.

Анаҩс, аиҧылара мҩаҧысуан ажурналистцәа аламырхәӡакәан.

Елана Лашәриа, Беслан ЏЬынџьал, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
26
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
34
Иара Аҧсны амилаҭтә олимпиатә еилакы аҿы  адныҳәаларақәа идикылон
27
Убри инамаданы имҩаҧган афонд ахаҭарнакцәа злахәыз апресс-конференциа.
45
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК