Гагра араион аҟны ихыркәшоуп агәам аус адызуло анаплакы аргылара.

12.10.2016
632

Гагра араион аҟны ихыркәшоуп агәам аус адызуло анаплакы аргылара. Аҧсны аҳәынҭқарра ахада иабжьгарала, мызқәак раҧхьа Алаҳаӡы ақыҭаҿы агәам еизгарҭа аҭыҧаҿы аргылара иалагеит анаплакы. Уи аусура хықәкыс иамоуп араион аҟны еизырго агәам еилыхны абзазараҿы ихәарҭоу амыругақәа рыҟаҵара.

Гагра ақалақьи араиони рыҟнытә еизырго агәам абри аҭыҧ аҿы ауп иахькарыжьуа. Аамҭаказы агәам амца ацраҵаны ирбылуан. Ари аҭыҧ ааигәара инхо ауааҧсыра уи афҩы рҧырхаган. Анаҩс иазыӡбан Аҧсны егьырҭ араионқәа рҟны еиҧш, араҟагьы агәам аус адуларзы анаплакы аргылара . Атәыла Ахада иҟаиҵаз аҧшьгарала , Урыстәылантәи ааҧхьара рыман анаплакы аргыларазы аҟазацәа . Дара аусура иалагеит. Агәам еизгарҭа аҭыҧ жәохә гектар аҵанакуеит. Араҟа идыргыло анаплакы аус ауеит ҳаамҭазтәи атехнологиақәа инарықәыршәаны. Анаплакы аргылара анхыркәшахалак анаҩс, араҟа аусура иалагоит жәаҩык инарыцны. 

Иазгәаҭатәуп, анаплакы аҿы хаз-хазы ишеилырхуа агәам каҧсарҭахьы иаарго аихалых, асаркьа , уҳәа егьырҭгьы. Аус зыдулара ҟамло агәам хазы ажра ҟаҵаны анышә иарҭоит . Анаплакаҿы аус здыруалаз агәам даҽа ҭыҧкахь иргоит, аҧсҭазаараҿы рхы иадырхәо амыругақәа рыҟаҵаразы. Аамҭа кьаҿк иалагӡаны, ргәы иҭоуп ари анаплакы аусура иаладыргарц. Уажәы анаплакы аҿы иқәдыргылоит агәам злеилырхуа амыругақәа. Иуҳәар алшоит, Аҧсны раҧхьаӡа акәны ас еиҧш иҟоу анаплакы шдыргыло Гагра араион аҿы. 

Фатима Гьергьиа , Саид Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
8
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
4
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
6
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
3
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
5
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
3
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК