Аҧснытәи аҳәынҭқарратә университет аҟны иаатит аҧшьбатәи Жәларбжьаратәи арт-пленер «Ҭагалан аҧшшәқәа- 2016».

12.10.2016
696

Аҧснытәи аҳәынҭқарратә университет аҟны иаатит аҧшьбатәи Жәларбжьаратәи арт-пленер «Ҭагалан аҧшшәқәа- 2016».  Сынтәа уи еиднакылеит хынҩажәаҩык инарзынаҧшуа Аҧснытәии Урыстәылатәии асахьаҭыхыҩцәа.

Абар шьҭа ҧшьышықәсоуп Аҧсны иаатуеижьҭеи жәларбжьаратәи арт-пленер «Ҭагалан аҧшшәқәа». Сынтәатәи иалахәуп ҩажәаҩык рҟынӡа Урыстәыла еицырдыруа асахьаҭыхыҩцәа. Пермь, Новосибирск, Москва, Ҟабарда-Болкариа уҳәа есышықәса арт-пленер аҳәаақәа аҽарҭбаауеит. Абри атәы иҳәеит Асахьаҭыхыҩцәа еидызкыло афестиваль аиҿкааҩ Нугзар Логәуа, арт- пленер аартуа.

Арт-пленер «Ҭагалан аҧшшәқәа» аҧҵан Аҧснытәи аҳәынҭқарратә университет аҿы, асахьаҭыхыҩцәа ҿарацәа рҧышәа аизырҳара хықәкыс иҟаҵаны. Ауниверситет аректор, Академик  Алеко Гәарамиа иҳәеит, ргәы ишҭоу  ауниверситет аҿы аҟазара хаз игоу ҟәшаны аартра. Апрофессионалтә кадрқәа рааӡарҭа хада азыхиоуп асахьаҭыхыҩцәа, актиорцәа, акәашаҩцәа разыҟаҵара, иҳәеит Алеко Гәарамиа. Арт-пленер алахәцәа, аурыс сахьаҭыхыҩцәа шьҭа изныкымкәа арахь иаахьоу, ирҳәон ҳтәыла аҧшӡара ихнахны ишамоу, аамҭа мгакәа аусура иалагарц шырҭаху. Аҟазацәа есышықәса  еиҧш сынтәагьы ирҭаараны иҟоуп Аҧсны  еиуеиҧшым аҭыҧқәа.

Арт-пленер акыр аҵанакуеит зыҧсҭазаара  аҟазара  иадызҳәалар зҭаху рзы. Раҧхьа инаргылан аҧышәеимдаразы.

Арҭ-пленер «Ҭагалантәи аҧшшәқәа» хыркәшахоит октиабр 18 рзы. Анаҩс еиҿкаахоит  асахьаҭыхыҩцәа ари аамҭа иалагӡаны иаҧырҵаз русумҭақәа рцәыргақәҵа.

Альбина Жьиҧҳа, Асҭамыр Гәажәба ,АТ  


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
Уи абзоуроуп аилахәыра «Аҟәафон » иҟанаҵаз афинанстә цхыраара .
19
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
31
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК