Ахыцуаа реицлабрақəа.

12.10.2016
591

Есышықәса Ҭырқәтәыла ақалақь Адана иаҵанакуа Иуреир араион аҟны имҩаҧысуеит итрадициатәу жәларбжьаратәи евразиатәи ахыцуаа реицлабрақәа. Уи иалахәуп ҩажәа ҳәынҭқарра рыҟнытә ари аетно-спорт абзиабаҩцәа. 

Сынтәа арҭ аицлабрақәа рышҟа ааҧхьара рыман аҧсуа хыцуаа. Дара уахь рцара алыршахеит Аҧсны Аҳәынҭқарра Ахада Рауль Ҳаџьымба иҟаиҵаз адгылара иабзоураны. Октиабр 7, 9, рзы Ҭырқәтәыла Адана араион Иуреир аҟны имҩаҧысит итрадициатәу евразиатәи ахыцуаа реицлабрақәа. Арҭ аицлабрақәа Ҭырқәтәыла итрадициатәу аспорт азы афедерациа абзоурала имҩаҧысуеит. Сынтәа уахь аҧсуаа ралахәхаразы ҷыдала ааҧхьара ҟаиҵеит Иуреир ахада , хылҵшьҭрала иҟабардоу Фаҭих Генель. Уи иашьа Сами Генели иареи итрадициатәу ахыци ахәымпали рыла ахысра иазкыу Ҭырқәтәыла имҩаҧысуа аицлабрақәа аиҿкааҩцәа иреиуоуп. Аҧснынтәи аетно турнир иалахәыз ахыцуаа реилазаараҿы иҟан асахьаҭыхҩы, аҟаза Баҭал Џьапыуа, аҵара аминистр Адгәыр Какоба, Жәлар реизара адепутат Алмас Џьапыуа.

Аицлабра иалахәыз зегьы милаҭ маҭәала еилаҳәазар акәын, насгьы излахысуаз ахыцқәа напылаҟаҵараны , амилаҭ рытрадициақәа ирықәшәо иҟазар акәын. Аҧсуа хыцуаа урҭ аҧҟарақәа зегьы ирықәныҟәо еиқәшәан , иршәыз аҧсуа маҭәа аҟаза Елена Лабахәуа лнапы иҵылхит ,ахыцқәа ,урҭ хы- хкыкны иҟан , Баҭал Џьапыуа ажәытәан аҧсуаа ишыҟарҵоз атехнологиа ҭҵааны, инапала иаҧиҵаз роуп. Аҟаза иусумҭақәа аинтернет ҳақәа рахь ицәыригон , уи идуу ахыцуаа рдунеи иалоу ирбеит аинтересгьы рызцәырнагеит, иара иагьабзоурахеит аицлабра алахәхаразы аҧсуа хыцуаа ааҧхьара ирзааз. Сынтәа Евразиатәи итрадициатәу ахыцуаа реицлабра иалахәын ҩажәа ҳәынҭқарра рҟынтә быжьшәи ҩынҩажәи жәаҩык ахыцуаа.

Ҷыдала иазгәаҭатәуп, аицлабрақәа ирылахәыз ҩажәа ҳәынҭқарра рҟынтә уи аартра иазкны имҩаҧгаз аныҳәа аҟны аҧсуа делегациа ахаҭарнакцәа заҵәык шракәыз ажәа зыҭаз. Аданатәи аныҟәара аицлабрақәа рнаҩс, даҽа хырхарҭакгьы аиуит. Иҳәатәуп, ари ақалақь иаҵанакуа араионқәеи рҟны х- нызқьҩык инарзынаҧшуа Кавказ ажәларқәа рхылҵшьҭрақәа шынхо. Урҭ ас –еиҧш аминистр ,адепутат, аҵарауаа злахәыз аҧсуа делегациа уахь ишнеиуаз анраҳа, даара гәахәара дула ирыдыркылеит, жәпакы аиҧыларақәагьы мҩаҧыргеит. Убас аҵак ду аман, абар уажәшьҭа ҩынҩажәи жәаба шықәса раахыс Адана ақалақь аҟны еиҿкааны ирымоу адернеқь аҟны имҩаҧысыз аиҧылара. Уи напхгара аиҭоит Ҭырқәтәыла иреиҳау аҵараиурҭақәа рахьтә иреиҕьыу ҳәа ирыҧхьаӡо Чукуров ауниверситет аҟны иаҧхьо, хылҵшьҭрала иабазоу Исмаил Гиунешп. Уи еиҿиказ аиҧылара иалахәын быжь ҩык ауниверситет аҟны ауыс зуа кавказаа рхылҵшьҭрақәа иреиуоу академикцәа ,анаука аусзуҩцәа ,арҵаҩцәа , асахьаҭыхыҩцәа. Аиҧылараҿы иазгәаҭан аибабара аиҿцаара ауыс ишахаҵгылатәу. Аминистр Адгәыр Какоба иҳәеит, Адана ауниверситетқәеи аҵараиурҭақәеи рҟны аиҧыларақәа рымҩаҧгара, аҧышәа аимдареи, аҵаразы аимадарақәа рыбжьаҵареи, аиқәшаҳаҭрақәа анапы рыҵаҩреи аҧхьаҟа ргәы ишҭоу. Уи азы аҳәынҭқаррақәа рыҩаӡара аҟны аицәажәарақәа азгәаҭан ишыҟоу. Аиҧылара иалахәыз ажәалагалақәа даара иргәарҧханы ирыдыркылт, иагьазгәарҭеит уи ишадгыло. Ҷыдала иалкаан аиҧылара мҩаҧган Чукуров ауниверситет аҟны ,уи иаҭааз асахьаҭыхҩы Баҭал Џьапыуеи , Аҧснытәи аҳәынҭқарратә университет арҵаҩы , аҟазаратә наукақәа ркандидат Елена Лабахәуеи, ауниверситет арҵаҩцәа хылҵшьҭрала иабазоу асахьаҭыхҩы, арҵага шәҟәқәа равтор Карим Артути, аграфикатә дизаин амаҭәар иаҧхьо Дамир Ҳоқаки еиҭарҳәеит ара русура шышьақәгылоу , астудентцәа аҵара дырҵаразы рхы иадырхәо аметодкатә цхыраагӡақәа ртәы. Араҟа иазгәаҭан аҧхьаҟа ихымҧадатәины ишырыҧхьаӡо аиҭанеиааира ,астудентцәеи арҵаҩцәеи рҧышәеи рдыррақәеи реимдара , уи азын аиқәышаҳаҭрақәа анапы аҵаҩра . Иазгәаҭатәуп даҽакгьы ,Адана араион иатәу ақалақь Мерсин аҟны инхо абаза жәлар рхылҵшьҭрақәа Аҧснынтәи аделегациа Евразиатәи итрадициатәу ахыцуаа реицлабра иалахәхоит ҳәа анраҳа ,ҩынҩажәаҩык инарзынаҧшуа аҭыҧантәи адернеқь напхгара азҭо рыцны аҧсуаа рбара ишнеиз . Урҭ реиҧылара аҟны рцәаныррақәа рзыҵәахуамызт , агәыбылра дыуи агәхьааибагареи ,аразреи аҵан имҩаҧысит. Аиҧыларахь иааз Аҧсны аҵара аминистр Адгәыр Какоба агәра диргеит, аҧхьаҟа ҷыдала аиҧыларақәа шеиҿкаахо,насгьы аҵара дырра иаҵанакуа ауысхк азы аҳәынҭқарра бжьаратә еиқәышаҳаҭрақәа шрыбжьарҵо азы.

Ҭырқәтәыла ақалақь Адана араион Иуреир ахь аныҟәара ахықәкы хада Евразиатәи итрадициатәу ахыцуаа реицлабра шакәызгьы, уи егьырҭ ахырхарҭақәа рылагьы даара иҭбааны имҩаҧысит. Иуреиртәи ахҭысқәа ракəзар, акультуратә мчы ду рымоуп. Уи иалнаршоит ажәларқәа рытрадициақәа реимадара , реиҭарҿиара. Аҧсуа делегациа ахаҭарнакцәагьы уи қәҿиарала аарҧшра рылшеит.
Амра Џьынџьалҧҳа,Роберт Ламиа, Ҭырқәтәыла Адана, ҷыдала Аҧсуа телехәаҧшразы.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Февраль 2018
58
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
55
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
21 Февраль 2018
41
144 ш. ҵит апоет диижьҭеи, уи иадҳәаланы Аҟәа имҩаҧысит агәаларшәаратә уснагӡатәқәа.
20 Февраль 2018
105
19 Февраль 2018
129
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
Загрузка плеера
Алаҳәарақәеи адныҳәаларақәеи
АГТРК