Ари амчыбжь азы аҳҭнықалақь ашколқәа зегьы рҟны аҧсуа бызшәа иамчыбжьны иҧхьаӡоуп.

25.10.2016
601

Ари амчыбжь азы аҳҭнықалақь ашколқәа зегьы рҟны аҧсуа бызшәа иамчыбжьны иҧхьаӡоуп. Ари аамҭа иалагӡаны алагарҭатә классқәа инадыркны аиҳабыратәқәа рҟынӡа, аҵаҩцәа аҧсуа бызшәазы ирымоу рдыррақәа аадырҧшуеит.

Аҟәатәи ажәабатәи Ашьхарыуаа рышкол аҿы имҩаҧган апоет, ауаажәларратә усзуҩы Гьаргь Чачба ирҿиаратә мҩа иазкыз ахәылҧаз. Уи иалахәын Аҧсны ахада абызшәатә политиказы ицхырааҩ Ҭали Џьапуаҧҳа, аҭоурыхҭҵааҩцәа, аҵарауаа. Есышықәса Аҟəа ақалақь аҵара аусбарҭа ахаҭаранакцәа ашколқәа рҿы имҩаҧыргоит аҧсуа бызшәа амчыбжь. Уи хықәкыс иамоуп аҧсуа бызшәа аҩаӡара ашьҭыхреи, аҵаҩцәа ахатәыбызшәа радыҧхьалараеи. 

Мчыбжьык иалагӡаны дара аҧсуа бызшәа азы ирымоу рдыррақәа аадырҧшуеит . Аҧсуа бызшәа амчыбжь ашколқәа рҿы анаҩсгьы имҩаҧыргалоит ахәычбаҳчақәа рҿы, аҵаҩцәеи арҵаҩцәеи еицхырааны азыҟаҵара бзиақәа аадырҧшуеит, ҳәа азгәалҭеит Аҟəа ақалақь аҵара аусбарҭа аиҳабы Лиудмила Адлеиба. Аҧсуа бызшәа амчыбжь аартын октиабр 24 рзы. Аҩбатәи амш рызкын ауаажәларратә усзуҩы, апоет Гьаргь Чачба ирҿиамҭақәа. Аиҳабыратә классқәа рҵаҩцәа иаздырхиет ажәахәқәа. Дара азааҭгылеит Гьаргь Чачба дызнысыз амҩа. Иаҧиҵаз иажәеинраалақәа. Аҧсныи аҧсуааи рҭоурых Гьаргь Чачба ихьӡ иузаҟәымҭхо иадҳәалоуп. Иара аҧсышәала дшымҩуазгьы, иаҧҵамҭақәа зегьы аҧсуа цәа рыҟәнын, имилаҭ дырзхьаауан. «Гьаргь Чачба зхаҭара ҳараку, уаажәларратә усзуҩуп, иара иажәеинраалақәа аҧсшәахь еиҭаргахьеит аӡәырҩы аҧсуа шәҟәыҩҩцәа. 

Иахьа ашколхәыҷқәа уи ихьӡ лымкаала иахьзааҭгыло даара краҵанакуеит,» –ҳәа азгәеиҭеит ажурнал “Алашара” аусзуҩы Дмитри Габелиа. Ашколхәыҷқәа Гьаргь Чачба иаҧҵамҭақәа ирызкны ажәахәқәа аздырхионаҵы, ирызцәырҵыз азҵаарақәа маҷмызт. Урҭ зегьы рҭакқәа ҟаиҵеит аҭоурыхҭҵааҩ Џьамбул Инџьгиа. Аҧсуа бызшәа амчыбжь хырқәшахоит ахәашаҽны. Урҭ рымҩаҧгараан зҽалызкааз аҵаҩцәа азгәаҭахоит . 

 Фатима Гьергьиаҧҳа, Ҭемыр Гогохьиа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК