Зықьҩык иреиҳауп ҩажәи ҩба шықәса рыҩныҵҟа Аҧсны амҩатә машәырқәа раан иҭахахьоу.

26.10.2016
924

Ҳазну ашықәс жәамз ирылагӡаны, Аҧсны амҩатә машәырқәа раан иҭахеит 66-ҩык ауааҧсыра. Абри атәы иҳәеит Аҧсны Аҧыза- министр ихаҭыҧуаҩ, Аҩныҵҟатәи аусқәа рминистр Аслан Кобахьиа апресс-конференциаҿы.

Уаҟа ирылацәажәан аҵыхәтәантәи аамҭазы амҩаҿы иҟалаз аҧсҭбарақәа, насгьы ирзааҭгылан иахьа инаркны амҩаду хадақәа рҿы иқәдыргыло авидеорбагақәа ҵакыс ирымоу атәы. Ажурналистцәа рызҵаарақәа убасгьы рҭак ҟарҵон ареспублика аҳәынҭавтоиспекциа аусбарҭа аиҳабы Наур Смыри, уи ихаҭыҧуаҩ Баҭал Агрбеи.

Аҧсны Аҧыза- министр ихаҭыҧуаҩ, аҩныҵҟатәи аусқәа рминистр Аслан Кобахьиа амҩақәа рҿы аҭыҧ змоу амашәырқәа дрыхцәажәауа иҳәеит, уи аӡбара ауадаҩра ду зцу зҵаараны ишиҧхьаӡо. Иҳәеит, 1994 шықәса инаркны 5221-нтə амҩадуқәа рҟны амашәыр аҭыҧ шамаз. Урҭ раан иҭахеит 1336-ҩык. Ҳазҭоу ашықәс жәамз ирылагӡаны, амҩаҿы иҭахеит 66-ҩык. Аслан Кобахьиа иҳәеит, Аҧсны ашәҟәы иҭаргало амашьынақәа рхыҧхьаӡара есышықәса зқьы рыла ишеиҳахо. Иааидкылан, ҳтәылаҿы ҩажәи быжьба нызқь машьына ашәҟәы иҭагалоуп. Ари ахыҧхьаӡара даара ирацәоуп ҳамҩадуқәа рзы, – ҳәа азгәеиҭеит аҩныҵҟатәи аусқәа рминистр. Амашьына рныҟәцаҩцәа еиҳарак уахынла иццакны аныҟәара иалагоит, аҳәыҭавтоинспекциа аусзуҩцәа ишрылшо ала уи ахылаҧшра арҭоит. Аха амилициа аусзуҩцәа рхыҧхьаӡара даара имаҷуп, иахьазы аҩныҵҟатәи аусқәа рминистрраҿы ҩынҩажәи жәаба процент аусзуҩцәа азхом.

Аҩныҵҟатәи аусқәа рминистрра аҳәыҭавтоинспекциа аиҳабы Наур Смыр иҳәеит, ареспубликатә мҩаду Ҧсоу-Егры иахьаҵанакуа авидео рбагақәа шықәыргылоу. Ари апроект иахьа инаркны аусура иалагеит.Макьана авидеорбагақәа еиҳарак амҩатә машәырқәа ахьыҟалоу, ауадаҩра зцу аҭыҧқәа рҿоуп иахьықәыргылоу, аха ашықәс нҵәаанӡа, ари аус хыркәшахоит. Авидеорбага иалнаршоит азакуан еилазгаз амашьынарныҟәцаҩ ихаҭара ашьақәыргылара, анаҩс аинформациа аус адуланы аелектронтә базахь иҭагалахоит.

Аҩныҵҟатәи аусқәа рминистр иҳәеит, дарбанызаалак азакәан еилазгаз ауаҩы дшахьырхәхо агәра ганы дшыҟоу. Аҧыза- министр ихаҭыҧуаҩ, Аҩныҵҟатәи аусқәа рминистр Аслан Кобахьиеи, аҳәынҭавтоиспекциа аусбарҭа аиҳабы Наур Смыри убасгьы ажурналистцәа рызҵаарақәа рҭак ҟаҵеит.

 Альбина Жьиҧҳа, Алықьса Агәхаа, Асҭамыр Гәажәба ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
31
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
42
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
45
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК