Ихыркәшахеит раҧхьаӡатәи аҧсуа фольклорист Артур Аншба игәалашәара иазкыз Жәларбжьаратәи аконференциа аусура.

26.10.2016
511

Ихыркәшахеит  раҧхьаӡатәи аҧсуа фольклорист Артур Аншба игәалашәара иазкыз Жәларбжьаратәи аконференциа  аусура.   Иара   атәым  ҳәынҭқаррақәа рҟнытә иалахәын  ҩынҩажәа-  ҩык  инареиҳаны  аҵарауаа.   Иҟаҵан  еиуеиҧшымыз    атемақәа   ирызкны    ажәахәқәа    маҷымкəа.   Дара    иаадырҧшит    Артур Аншба   фольклористк,  литератураҭҵааҩык  иаҳасабала иҵаулаз   адыррақәа    змаз    аҧсуа  ҵарауаҩны дшыҟаз.
  
Артур Аншба игәаларшәара иазкыз жәларбжьаратәи аконференциа аихшьаалақәа ҟаҵо иазгәаҭан, асекциатә усурақәеи аилатәара хадеи рҿы иҟаҵаз ажәахәқәа жәпакы шыҭҵаарадырратә усумҭақәоу. Урҭ еизганы рҭыжьра шауа. Аконференциа аҵыхәтәантәи амшазы ишазгәаҭаз ала, аҳәаанырцәынтәи ааҧхьара змаз аҵарауаа ражəахəқəа аинтерес ду рыҵан.

Аконференциа аҳәаақәа ирҭагӡаны, ирацәан иззааҭгылаз атемақәа. Урҭ рызкын Артур Аншба ихаҭареи, иусуреи, аҧсуа жәлар рмилаҭтә хақәиҭратә қәҧараҿы илагалеи  реиҧш,  Аҧсны афольклор аҭҵаареи, аиқәырхареи рҿы иџьабаа атәгьы. Аҭҵаарадыррақәа ракадемиа иатәу, Д. Гәлыиа ихьӡ зху Аҧсуаҭҵааратә институт атрадициа бзиақәа амоуп. Араҟа лассы-лассы имҩаҧысуеит  жәларбжьаратәи аҟазшьа змоу аконференциақәа. Аха, ҷыдала афольклор мацара иазку раҧхьаӡа акәны  иеиҿкаан.

Аконференциа аиҿкааҩцәа руаӡәк, аинститут афольклор аҟәша аиҳабы Цира Габниа лажәақәа рыла, дара рхықәқы хадақәа иреиуан аҳәаанырцәтәи аҵарауаа аҧсуа институт имҩаҧнаго аусура радыҧхьалара, араҟа абиҧарақәа реимадара шыӷәӷәоу дырбара.

Артур Аншба дравторуп аҧсуа литература апроблемақәеи  афольклори ирызку ҩынҩажәи жәаба инареиҳаны аусумҭақәа. Ифундаменталтәқәоу  рахь иаҵанакуеит  амонографиақәа « Нарҭтәи аҳәамҭақәа рсахьаркыратә ҷыдарақәа,» «Нарҭтәи аепос апоетикатә зҵаарақәа»,  «Аҧсуа фольклор», «Аамҭақәа реигәныҩра», уҳәа арҵаратә процесс аҿы ихархәага дуны иҟоу, аха ҳаамҭазы зыҧшаара акыр иуадаҩу ашәҟәқәа. Аҵарауаа ражәақәа рыла,  Артур Аншба илыҧшааху иусумҭақәа реиҭаҭыжьра хымҧадатәуп.

Елана Лашәриа, Асҭамыр Гәажәба ,АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Ианвар 2018
10
16 Ианвар 2018
10
Уи иахҟьаны иҧсҭазаара далҵит Узбекистан атәылауаҩ.
16 Ианвар 2018
13
Аиубилиар имшира идиныҳəалеит Аҳәынқарра ахада Рауль Ҳаџьымба.
16 Ианвар 2018
14
Аизараҿ дықәгылеит Аҧсны Ахада Рауль Ҳаџьымба.
12 Ианвар 2018
27
12 Ианвар 2018
49
Урҭ раҧырҟəҟəааразы Гудоуҭа араион аҟны арахə агəыр рыларҵоит.
12 Ианвар 2018
19
Аҧсны анаукақәа р-Академиаҿы аҵарауаҩ ииубилеи идырныҳәаларц еизеит иколлегацәа.
Загрузка плеера
Алаҳәарақәеи адныҳәаларақәеи
АГТРК