Очамчыратәи араионтә хәышәтәырҭа аҧҟарҭа аҟәшаҿы аиҭашьақәргыларатә усурақәа хацыркуп.

26.10.2016
652

Очамчыратәи араионтә  хәышәтәырҭа аҧҟарҭа  аҟәшаҿы аиҭашьақәргыларатә усурақәа хацыркуп.   Уи  иацу  ахарџь  араион   абиуџьет    аҟнытә   иршәоит.

Очамчыратәи араионтә хәышәтәырҭа   ачымазцәа ахьҧырҟо  аҟәша  аус  амуеижьҭеи  акыр шықәса ҵуеит. Ахәыштәырҭаҿы  алшара  ыҟам   иадҵаало   ачымазцәа рҭахрақәа рынагӡаразы.   Араион  ауааҧсыра   еиуеиҧшым  ахәышәтәырҭақәа рахь ицаны рҽырхәышәтәлароуп.    Абарҭқәа ҳасаб  рзуны, араион ахадара ачымазцәа  ахьҧырҟо  аҟәша    аиҭашьақәыргыларатə усурақәа рымҩаҧгаразы   араионтә биуџьет   аҟынтәи  иазоужьын миллионки  ҩышә нызқь мааҭ аҧара. Аргылаҩцәа араҟа еиҭашьақәдыргылароуп ауадақәа быжьба.  Иааидкылан  урҭ   шәи хынҩажәи жәаба   ҧшьыркца  метр  ыҟоуп. Аусурақәа  мҩаҧызго ражәақәа рыла,  дара  еиҵазырхо  ҳәа  акагьы  ыҟам. Ауасҭацәа араҟа ирыҧсахуеит  ашәқәа, аҧенџьырқәа,  адашьма,   аҭуан,    аӡымҩангагақәа,  афымцацәаҳәақәа.

Араионтә хәышәтәыра    аҳақьым     хада   Мадонна  Кьышьмариа илҳәеит, араҟа    аусурақәа аныхдыркəшалак   анаҩс,   ауадақәа иахәҭоу    амедицинатә мыругақәа    рыла ишеиқәыршәахо.   Агәыҕра  аалырҧшит  аҧҟарҭатә ҟәша иааиуа   ашықәс актәи  амза инаркны    аусура ишалаго азы.

Очамчыра араион ахада   Хьрыҧс  Џьопуа  иажәақәа рыла, араионтә хәышәтәырҭа  ацхыраара аҭара  азгәаҭоуп  иааиуа  ашықәс  азгьы. Ҩ- нызқьи жәибыжь шықәсазтәи абиуџьет аҿы иарбоуп  ахәышәтәырҭазы  ацхыраара  лас       амашьынақәа ҩба  раахәара.

Араионтә хәышәтәырҭаҿы имҩаҧысуа  аиҭашьақәргыларатә усурақәа рхыркәшара  азгәаҭоуп  ноиабр мза анҵәамҭазы.

А.Корсаиа,  А. Маланиа,АТ




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
24 Маи 2018
11
Активла рхы аадырҧшит ашколқәа реиҧш , ақалақь аҟны иҟоу аусбарҭақәа зегьы.
24 Маи 2018
18
Араион ахадара, амчратә усбарҭақәа рхаҭарнакцәа, ақалақьуаа - досу ирылшоз ала рықалақь дрыцқьон.
24 Маи 2018
17
Шьыжьнаҵы , асааҭ ааба инаркны Аҟәа ақалақь еиуеиҧшым аиҿкаарақәа , анаплакқәа , ашколхәыҷқәа , арҵаҩцәа дасу идрыцқьарц ирыдыз аҭыҧқәа рҿы аҽеизгара иалагахьан .
Загрузка плеера
Алаҳәарақәеи адныҳәаларақәеи
АГТРК