Аҧсны иаҭааит Урыстәылатәи Афедерациа ашәарҭадаратә хеилак ахантәаҩы ихаҭыҧуаҩ Рашид Нургалиев напхгара зиҭо аделегациа.

27.10.2016
695

Аҧсны усутә визитла иаҭааит Урыстәылатәи Афедерациа ашәарҭадаратә хеилак ахантәаҩы ихаҭыҧуаҩ Рашид Нургалиев напхгара зиҭо аделегациа. Уи  аилазаараҿы иҟоуп еиуеиҧшым аминистррақәеи аусбарҭақәеи рхаҭарнакцәа. Аҧсны ашәарҭадаратә хеилак аҟны имҩаҧысыз аиҧылараҿы ирзааҭгылан ҩ-ганктәи аусеицуреи, ашәарҭадара аҧҵареи, еиҿкаау ацәгьаура аҿагылареи ирыдҳәалоу азҵаарақәа.

Аиҧылара аартуа, Аҧсны ашәарҭадаратә хеилак ахантәаҩы Муҳаммад Кьылба далацәажәеит, асеҧиш зыҩаӡара ҳараку аиҧыларақәа рҿы ашәарҭадара азҵаарақәа рзааҭгылара  ихадаратәқәоу  ишреиуоу. Муҳаммад Кьылба иазгәеҭиеит, ноиабр ҩажәи ҧшьба, ҩнызқьи жәиҧшь шықәса рзы   «Аиҩызаратәи, астратегиатә ҟазшьа змоу аусеицуреи рзы» Аҧсни Урыстәылеи рхадацәа рнапы зҵарҩыз Аиқәшаҳаҭра аҳәаақәа ирҭагӡаны ,аусеицура мҽхакыҭбаала ишымҩаҧысуа. Аҧсны ашәарҭадаратә хеилак ахантәаҩы иажәақәа рыла, ҩнызқьи аа- шықәса раахыс мацара ҩ-ганк рыбжьара еиуеиҧшым ахырхарҭақәа рыла аусеицура ҳәаақәызҵо    аиқәшаҳаҭрақәеи аҧкаанҵақәеи ҧшьынҩажәа иреҳианы анапы рыҵаҩын . Иҳәеит, иахьатәи аиҧылара ахәҭакахьала ишақәшәоу Аҧсни Урыстәылеи ршәарҭадаратә хеилакқәа русеицуразы иарбоу  аплан.

Урыстәылатәи Афедерациа ашәарҭадаратә хеилак ахнтәаҩы ихаҭыҧуаҩ  Рашид Нургалиев иҳәеит, иуль мзазы имҩаҧгаз ҩ-ҳәынҭқаррак реиҳабыра реиҧылараан  ишрылацәажәаз ашәарҭадара зҵаарақәа. Рашид Нургалиев иажәақәа рыла, аиҧылара иалахәу,  Урыстәыла аҩныҵҟатәи аусқәа рминистрреи, Афедералтә ашәарҭадаратә маҵзуреи, ацентртә банки рхаҭарнакцәеи аҧсуа гани русеицура  аҳәаақәа ирҭагӡаны рҧышәа еимырдараны иҟоуп.

Рашид Нургалиев иҳәеит, излацәажәатәу азҵаатәқәа шырацәоу. Убри аан иазгәеиҭеит,  агәра ганы дшыҟоу асеиҧш аусеицура анаҩсгьы ишацҵахо азы. Аҧсны ашәарҭадаратә хеилак ахантәаҩы Муҳаммад Қьылба иакәзар, инаҵшьны иҳәеит, аиҧыларақәа рҿы излацәажәахо азҵаарақәа зегьы алҵшәа бзиа шроуазы агәра шиго.

Октиабр ҩажәи быжьба рзы имҩаҧысраны иҟоуп аиҧыларақәа реихшьаалақәа ахьыҟаҵахо инарҭбаау аилатәара.

Елана Лашәриа, Михаил Братухин, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
127
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
113
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
135
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
105
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
91
15 Август 2018
71
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК