Иҵит 80 шықәса еицырдыруа апоет, амилаҭтә кьыҧхь аҿиара аџьабаа ду адызбалахьаз Сарион Ҭаркьыл диижьҭеи.

27.10.2016
887

Иҵит 80 шықәса еицырдыруа апоет, амилаҭтә кьыҧхь аҿиара аџьабаа ду адызбалахьаз Сарион Ҭаркьыл диижьҭеи.

Уи игәаларшәара иазкны иара дахьииз, иахьизҳаз , абжьаратә ҵара ахьиоуз Дәрыҧшь ақыҭан аиҧылара мҩаҧысит. Дәрыҧшьтәи абжьаратә школ акҭтә зал апоет Сарион Ҭаркьыл диижьҭеи ҧшьынҩажәа шықәса аҵра азгәаҭара ахь имҩахыҵит ҳреспубликаҿы еицырдыруа ашәҟәыҩҩцәа, апоетцәа, ажурналистцәа, араион аинтиллигенциа рхаҭарнакцәа, арҵаҩцәа, ашколхәыҷқәа.

Абжьаратә школ аҵаҩцәа еиҿыркааз апрограмма ажәахә хада аҟны зегь раҧхьа иргыланы иргәаладыршәеит, Аҧсны анҭыҵгьы еицырдыруаз Дәрыҧшьаа рҵеицәа хьӡырҳәагақәа. Урҭ рхыҧхьаӡараҿы иҟоуп акультура аусзуҩцәа, аполитикцәа, аҵарауаа, аҧырҩцәа, ашәҟәыҩҩцәа. Аиҧылара аҟны иқәгылоз иазгәарҭон, поетк иаҳасабала адагьы, акьыҧхь аусзуҩык журналистк иаҳасабалагьы Сарион Ҭаркьыл илиршаз даара ишырацәоу ажурналқәа “Аҧсны аҟазара” ашьақәгылареи, ахәҷтәы журнал «Амцабз» полиграфиатә ҟазара ҳаракыла рҭыжьреи рзы. Абри атәы рҳәон даара изааигәаз, ибзианы дыздыруаз, аус ицызуаз иҩызцәа. Уаҩы ибарҭан ари ахәылҧаз аҵаҩцәа ибзиан рыҽшазыҟарҵаз. Урҭ ирыҧхьеит апоет иреиҕьыз иажәеинраалақәа , иҭырҵааит иҧсҭазааратәи ирҿиаратәи мҩа. Ҳәарада , ари рыбзоуроуп ашкол анапхгаҩы Хана Ҳагбеи, ахатәы бызшәа арҵаҩы Изольда Бигәааи. 

Ирацәаҩын ари аиҧылара аҟны ақәгыларақәа. Урҭ руак аҟны апоет ажурнал « Алашара» аредактор Анатоли Лагәлаа иазгәеиҭеит , хаҭала ибзианы иидыруаз Сарион Ҭаркьыл иуаҩытәыҩсатә ҟазшьа ссирқәа, ицқьара, ихӡырымгара. Иазгәаҭатәуп, ахәылҧаз ишалахәыз араион ашколқәа рырҵаҩцәа маҷымкəа. Араион аҵара аҟәша аиҳабы Инна Џьугьелиа иазгәалҭеит, ахәыҷқәа ирызкны Сарион Ҭаркьыл ииҩыз арҿиамҭақәа аҿар ргәы иахәаны ишаҧхьо. Убри инамадангьы, гәахәарала иазгәаҳҭар ҳҭахыуп , апоет данстудентыз инаркны еизигоз ихатәы библиотека иҭаацәа ҳамҭас Дәрыҧшьтәи ашкол иахьарҭаз. Аиҧылара аҟны инагӡан Сарион Ҭаркьыл иажәеинраала « Аҧсуа итәыла» иалхны акомпозитор Руслан Агәмаа ииҩыз ашәа. 

 Е.Арџьениа, А. Џьениа ,А Т

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
103
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
107
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
118
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
95
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
87
15 Август 2018
69
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК