Урыстәыла атәылауаа Сергеи Клемонтовичи Оксана Скаредновои рҭархаразы ахара рыдуп ҳәа иҧхьаӡаз зегьы рус ӡбаны аҭакра рықәҵоуп.

28.10.2016
788

Урыстәыла атәылауаа ҩыџьа, аусдкылаҩ  Сергеи Клемонтовичи, ицхырааҩ Оксана Скаредновои рҭархара аиҿкаареи анагӡареи ирылахәын ҳәа зус ҭырҵаауаз     Нодик Кәыҵниеи ,  Рамин Хмаили,  Ахра Гоҧиеи, Џьумбер Бигәааи , Аслан Ҵәыџьбеи, имҩаҧысыз Аҧсны Иреиҳаӡоу аусӡбарҭа аҵыхәтәантәи аилатәара аӡбамҭа инақәыршәаны, рызегьы ахара рыдуп ҳәа  ишьақәырҕәҕәоуп. Уи ақәҵара инақәыршәаны, ахәҩыкгьы ирзарбоу ашықәсқәа рхыргароуп ҭакрала абахҭаҿы.


2012 шықәса рзы иӡыз Урыстәылатәи аусдкылаҩ Сергеи Клемонтовичи ицхырааҩ Оксана Скаредновеи рыҧсыбаҩқәа ҧшаан Очамчыра араион Аӡҩыбжьа ақыҭан, Ахалбада  аҵеџь аҵан, октиабр мза ҩнызқьи жәаха шықәса рзы. Ашьауӷатә усҭҵаара  хацыркын 2015 шықәса рзы.  Ауаҩшьра ҟазҵаз  ҳәа гәҩарас иҟаҵаны Аҧсны апрокуратура хада хә-ҩык Аҧсны атәылауаа ахара рыднаҵеит. Урҭ рахьтә  Рамин Хмаили,  Ахра Гоҧиеи , Џьумбер Бигәааи,  Аслан Ҵәыџьи ауаҩӷьычреи  ауаҩшьреи назыгӡаз ҳәа иҧхьаӡоуп. Ари ацәгьаура адҵаҟаҵаҩ ҳәа ахара идҵаны ашьуӷатә усҭҵаара хацыркын Аҧсны Жәлар Реизара адепутат Нодик Кәыҵниа иганахьала.

Аҧсны Иреиҳау Аусӡбарҭа аӡбаҩ Екатерина Онишьенко лхантәаҩрала имҩаҧысуаз ахарадҵаратә еилатәарахь хә-ҩык рахьтә уи иалахәыз  Рамин Хмаили Џьумбер Бигәааи ракәын. Иазгәаҭатәуп, ауаҩшьразы ахара анаҩсгьы, ацәгьауцәа изакуанымкәа абџьар аахәареи, аҵәахреи, ахархәареи рзгьы ахара шрыдҵоу. Иреиҳау аусӡбарҭа аӡбаҩ илҳәеит, иҿахәы иҿыхраан Ахра Гоҧиа ишиҳәаз, ахара зегьы ихахьы игарц шидыргалоз.
  
Аӡбаҩ Екатерина Онишьенко  илҳәеит, ацәгьоуцәа ауаҩшьразы ишеицәажәази, ишеиҿыркаази, анаҩс рыгәҭакы шынарыгӡази ртәы. Иааган мап зыцәкышьа ыҟам, иаанкылаз ауаа ахара шрыду шьақәзырӷәӷәо афактқәа. Ишеилкаахаз ала, Жәлар Реизара адепутат Нодик Кәыҵниеи, Сергеи Клемонтовичи  абизнес рнапы еицалакын. Сергеи Клемонтович,  Нодик Кәыҵниа иҟны ҩ -миллион доллар ҳәа Гагра араион Ҧсхара ақыҭан аахәаразы дызлаӡаз адгьыл ахә аҟынтә ииҭахьаз ахәҭак  акәын. Аусӡбараҿы ишҳәаз ала, Нодик Кәыҵниа иоуп ари аус егьырҭ аҧшьҩык алазгалазгьы. Сергеи Клемонтовичи Оксана Скаредновеи рӷьычреи, анаҩс рышьреи рзы, Нодик Кәыҵниа ацәгьауцәа жәохә миллион мааҭ иақәиргәыӷит.

Ҧшь-сааҭк инарзынаҧшуа рҽеиҭныҧсахланы аӡбаҩцәа зыҧхьоз аусҭҵааратә  лкаа аҟны еизган ашьауҕа иазкыз аоперативтә информациа зегьы. Иааган атехника ахархәарала иззыӡырҩыз ацәгьоуцәа реиҿцәажәарақәагьы.
Жәа-минуҭктәи аҧсшьара ашьҭахь, аусӡбара иацҵан. Аҵакы  змоу аршаҳаҭгақәа зегьы рылацәажәара анаҩс, ииасын азыӡба алаҳәарахьы. Убри аан иазгәаҭан, Кәыҵниеи, Хмаили, Бигәааи,Ҵәыџьи, Гәаҧиеи ашықәс рықәҵара алзыршо афактқәа шырацәоу.  

Абас ала, ҧшь-сааҭк инарзынаҧшуа имҩаҧысуаз аусӡбара хыркәшо, иаҧхьан аӡбамҭа. Аҧсны аҳәынҭқарра азакуан инақәыршәаны, ауаҩшьра иалахәын ҳәа зус иахәаҧшыз зегьы аҭакразы еиуеиҧшым ашықәсқәа рықәҵан.

Иреиҳау аусӡбарҭа аӡбаҩ  Екатерина Онишьенко илҳәеит, аӡбамҭа иақәшаҳаҭым азакуан ала иарбоу аамҭа аҩныҵҟа, ашшыҧхьыӡ аларҵар шауа аус аиҭахәаҧшразы.
Елана Лашәриа,Беслан Џьынџьал ,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
23
Уи абзоуроуп аилахәыра «Аҟәафон » иҟанаҵаз афинанстә цхыраара .
27
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
41
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК