Аҟәа имҩаҧысит «Арҵаҩы имш» иазкыз агәырҕьаратә еилатәара .

28.10.2016
594

Аҟәа имҩаҧысит «Арҵаҩы имш» иазкыз агәырҕьаратә еилатәара . Арҵаҩцәа дрыдныҳәалеит Аҧсны Ахада Рауль Ҳаџьымба. Аныҳәа аламҭалазы атәыла Ахада Аусҧҟа инапы аниҵеит, ззанааҭ аҟны зҽалызкааз, зџьабаа рацәоу ааӡаҩцәа «Аҧсны зҽаҧсазтәыз арҵаҩы» ҳәа аҳаҭыртә хьӡы рыхҵаразы.

Октиабр хәба рзы ҳтәылаҿы иазгәарҭон Арҵаҩы имш. Уи арыцхә инамаданы, Аҧсны Ахада Рауль Ҳаџьымба Аусҧҟа инапы аҵаҩит 44-ҩык арҵаҩцәа «Аҧсны зҽаҧсазтәыз арҵаҩцәа» ҳәа аҳаҭыртә хьӡы рыхҵаразы. Ражден Гәымба ихьӡ зху Аҧсуа ҳәынҭқарратә филармониаҿы имҩаҧысуаз агәырҕьаратә еилатәараҿы Аҧсны Ахада арҵаҩцәа дрыдныҳәалеит. Иазгәеиҭеит, рлагала шдуу аҳәынҭқарра аргылараҿы, избанзар ирааӡоит ҧхьаҟа зус иазҟазацәаны игыло аҿар. Иахьазы, 27 нызқь-ҩык аҵаҩцәа аҵара рҵоит Аҧсны иҟоу 156 ашкол рҟны. Дара рҿы аус руеит 4 нызқьҩык инарзынаҧшуа арҵаҩцәа.

Аҵареи аҭҵаарадырреи рминистр ихаҭыҧуаҩ Медеиа Ченгелиаҧҳа иазгәалҭеит, ареспублика ҧхьаҟатәи аҿиара ишаныҧшуа арҵаҩцәа русура ахаҭабзиара. Анаҩс, афилармониаҿы ииасит адныҳәаларақәа рахь. Аҧсны Ахада Иусҧҟала рыхьӡ анырҳәалак ашьҭахь, асценахь ихалон иреиҕьӡоу арҵаҩцәа. Акыршықәса инеиҧынкыланы аҵара-ааӡара знапы алаку Аҧсны зҽаҧсазтәыз арҵаҩцәа ирырҭеит ҧшшәырацәала иҩычоу ашәҭқәа. Агница Ирадион-иҧҳа Қәычбериа 47 шықәса Тҟәарчал ақалақь, афизика амаҭәар длырҵоит. Урҭ рахьтә ҩажәа шықәса аус луан ахәбатәи ашкол аҟны. Уажәы Ткәарчалтәи актәи аҩбатәи ашколқәа рҿы. Аурокқәа рҿы ллеишәа шыџьбароугьы, еснагь илыллыршон зегь раасҭа ихьанҭоу аҵаҩы ҳәа изышьҭаз, игәшәымышә аҳәара, лнапахьы иаагара . Лҵаҩцәа пату лықәырҵоит, урҭ рыбжьара дыҟоуп Рауль Ҳаџьымбагьы. Ангица Ирадион-иҧҳа лықәгылараҿы дазыгәдуны илҳәеит, Аҧсны Ахада лара дшылҵаҩыз.

Аҳаҭыртә хьӡы иаҧсахаз аӡәырҩы ҭабуп ҳәа азырҳәеит рџьабаа ахәа ҳаракны иахьыршьаз. Дарбанзаалак ауаҩы иҧсҭазаараҿы дыҟан арҵаҩы. Доусы димоуп зегь раасҭа бзиа иибо, ишколтә ҧсҭазаараҿы иаликаауа арҵаҩы. Уи аҵаҩы ииҭо адыррақәа рнаҩсгьы, идунеихәаҧшышьа ашьақәгылараҿы анырра ҟаиҵоит, ҧхьаҟатәи изанааҭ алхраҿы дабжьгаҩуп, избанзар ибоит иҵаҩы илоу аҟыбаҩ. Афилармониа асценаҿы ари ахәылҧаз аҿы ирацәан адныҳәаларақәа, агәабзиара ҕәҕәа рзеиҕьаршьон арҵаҩцәа, рааӡамҭацәа рықәҿиарақәа ирылагәырҕьаларц. 

 Амра Амҷҧҳа, Саид Агәхаа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Февраль 2018
85
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
67
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
21 Февраль 2018
51
144 ш. ҵит апоет диижьҭеи, уи иадҳәаланы Аҟәа имҩаҧысит агәаларшәаратә уснагӡатәқәа.
20 Февраль 2018
109
19 Февраль 2018
141
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
Загрузка плеера
Алаҳәарақәеи адныҳәаларақәеи
АГТРК