Очамчыра ихыркәшан Аҧсны Аҭагылазаашьа ҷыдақәа рзы аминистрра акоманда-штабтә ҽазыҟаҵарақәа.

28.10.2016
694

Очамчыра ихыркәшан Аҧсны Аҭагылазаашьа ҷыдақәа рзы аминистрра  акоманда-штабтә ҽазыҟаҵарақәа. Дара рымҩаҧгашьа ахәшьара бзиа аиҭеит атәыла ахада Рауль Ҳаџьымба.  

Аҭагылазаашьа ҷыдақәа рзы аминистрра Очамчыра ақалақь аҿы имҩаҧнагаз аҽазыҟаҵарақәа ирылахәын ареспублика араионқәа зегьы рыҟнытә аминистрра аҟәшақәа рхаҭарнакцәа. Аҽазыҟаҵарақәа рлегенда ишаҳәоз ала, Аҭагылазаашьа ҷыдақәа рзы аминистрра аусзуҩцәа иҧсы еиқәдырхар акәын амца зкыз автомашьына иҭаз ауаҩы .

Анаҩс аҽазыҟаҵарақәа ирыхәаҧшуаз идырбан ашьхаҭыҧ аҿы арыцҳара иақәшәаз альпинист дшеиқәдырхоз. Уи иалахәын Урыстәылатәи Афедерациа Аҭагылазаашьа ҷыдақәа рзы аминистрра акинологиатә ҟәша аусзуҩцәагьы. Ашьха ҭыҧ ахь ишьҭын аверталиот. Уаҟа иара атәара ахьацәыуадаҩыз иахҟьаны, аиқәырхаҩцәеи аҧшааҩцәеи шахала аверталиот аҟынтәи илбааит.

Иахьатәи аҽазыҟаҵарақәа рҿы рхы бзианы иаадырҧшит абылраҽацәыхьчаратә-еиқәырхаратә ҟәша, амшын аҿы арыцҳара иақәшәаз еиқәзырхо, ацхыраара ласы ауааҧсыра ирызҭо, арҭҟәацгақәа еиҵызхуа уҳәа аҟәшақәа рхаҭарнакцәа. Аҽазыҟаҵарақәа рымҩаҧысшьа иахәаҧшуаз атәыла Ахада Рауль Ҳаџьымба аминистрра аусзуҩцәа ирыдиныҳәалеит аҽазыҟаҵарақәа қәҿиарала иахьымҩаҧыргаз.

Аҭагылазаашьа ҷыдақәа рзы аминистр Лев Кәыҵниа иазгәеиҭеит, загь раҧхьаӡа иргылан аҽазыҟаҵарақәа хықәкыс ишрымоу русура аиҿкаара аҟны ирыгу-ирыбзоу ашьақәыргылара
Акоманда-штабтә ҽазыҟаҵарақәа рыхә ҳаракны ишьеит Донецктәи ареспублика аҭагылазаашьа ҷыдақәа рзы аминистр.

Аҽазыҟаҵарақәа рнаҩс ,уи иалахәыз рзы Очамчыратәи акультуратә хан аҟны еиҿкаан аконцерт.

А.КОРСАИА, А.МАЛАНИА, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
24
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
39
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
87
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
132
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК