Аҵарауаҩ, Аҧснытәи аҳәынҭқарратә университет афилософиеи акультуралогиеи ркафедра аиҳабы Иван Ҭарба ихьчеит адоктортә диссертациа .

28.10.2016
917

Аҧсны жәлар рџьынџьтәылатә еибашьра аветеран, аҵарауаҩ, Аҧснытәи аҳәынҭқарратә университет афилософиеи акультуралогиеи ркафедра аиҳабы Иван Ҭарба ихьчеит адоктортә диссертациа . Иван Ҭарба идоктортә диссертациазы иалихыз атема акыршықәса аус адиулон. Иара инапы иҵигахьеит ҩынҩажәа усумҭа инареиҳаны .

«Аҧсуа етнос милаҭ дырреи- рыхдырреи, рсоциалтә философиатә анализ» аус адиулонаҵы акырынтә дырҧылеит урыстәылатәи иколлегацәа. Ари адиссертациа ахьчаразы еиҿкаан Аснытәии Урыстәылатәи аҵарауаа злахәыз ахеилак. Иван Ҭарба иҳәеит, иара изы ари атема азааҭгылара акыр шаҵанакуа. Аҧсуаа рмилаҭтә хдырра еснагь иҵауалан, уи ҭысҵаарц сҭахын, иҳәеит иара. Адоктортә диссертациа ахьчараан Иван Ҭарба инарҭбааны далацәажәеит иусумҭа атема. Иҳәеит, аҧсуаа рыхдарра еснагь ишҵаулаз, рфилософиа шыҳаракыз. «Аҧсуаа ирымоуп ибеиоу аҭоурых, араҟа инхоит рхыҧхьаӡара маҷымкәа егьырҭ амилаҭқәа рхаҭарнакцәа. Урҭ цәажәоит рхатәы бызшәала. Убри ала еиқәдырхоит рмилаҭтә бызшәеи рыхдырреи»- иҳәеит Ҭарба.

Адоктортә диссертациа ахьчара иалахәыз аҵарауаа ирҳәон, Иван Ҭарба иалихыз атема актулара шамоу ҳаҧсуа милаҭтә хдырреи ҳфилософиеи реилкааразы Адиссертациа ахьчараан анаукатә хеилак алахәылацәа ирзаҧхьан Иван Дарафеи-иҧа иусумҭазы урыстәылатәи аҵарауаа иҟарҵаз алкаақәа. Адиссертациа ахьчара иалахәыз аҵарауаа ирызцәырҵуаз азҵаарақәа рҭакқәа ҟаиҵеит Иван Ҭарба. Х-сааҭк инареиҳаны ицоз анаукатә хеилак аилатәара иалахәыз зегьы еицҿакны Иван Ҭарба Афилосифиа ҭҵаарадыррақәа рдокторра даҧсоуп ҳәа рыбжьы рҭиит. 

Фатима Гьергьи, Саида Аиба ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
7
Иара Аҧсны амилаҭтә олимпиатә еилакы аҿы  адныҳәаларақәа идикылон
8
Убри инамаданы имҩаҧган афонд ахаҭарнакцәа злахәыз апресс-конференциа.
24
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК