Аҟәатәи Иреиҳаӡоу арратә ҵараиурҭа аусура иалагеижьҭеи жәаф шықәса ҵуеит.

31.10.2016
1187

Аҧсны афицарцәа реиҵааӡараҿы иалнаршахьоу маҷӡам АҞәатәи Иреиҳаӡоу азеиҧшкомандаҟаҵаратә арратә ҵараиурҭа. Иара аартуижьҭеи рҵара хдыркушахьеит хышәи ҩынҩажәи- жәаҩык инарыцны акрсантцәа.

Ҩнызқьи акы шықәсазы ҳтәылаҿ раҧхьаӡа акәны иаартын аруаа ахьазыҟарҵоз аҵараиурҭа . Раҧхьа араҟа аҵара рҵон ҩышықәса. Анаҩс шықәсқәак рышьҭахь, ҧшьышықәсатәи аҵарахьы ииаган. Арратә ҵараиурҭа аҿы акурсантцәа ироуеит еиуеиҧшым арратә занааҭқәа. Дара рахьтә имаҷҩым Аҧсны атәылахьчара аминистрра архәҭақәа рҿы зырратә уалҧшьа қәҿиарала иназыгӡо. Иахьа арратә ҵараиурҭа еиҳабыс дамоуп Алхас Жьиба. Иара Урыстәыла иреиҳаӡоу арратә ҵараиурҭа далганы дааит. Аҵараиурҭа уаанӡатәи аиҳабы Анри Барцыц Москва арратә академиа аҟны иҵара иациҵоит.

Иааидкылан Аҟәатәи арратә ҵараиурҭаҿы рҵара хдыркəшахьеит хышәи ҩынҩажәи жәаҩык инарыцны. Есышықәса аҵараиурҭа аҭаларазы ҭыҧк азы хәҩы- фҩык еиндаҭлоит. Атәылахьчара аминистр Мираб Кьышьмариа арратә ҵараиурҭа жәаф шықәса ахыҵра анапхгареи, арҵаҩцәеи, ааӡаҩцәеи , акурсантцәеи ирыдиныҳәалеит. Аҵараиурҭаҿы еиларыгӡоит атеориеи, апрактикеи. Акурсантцәа рылахәуп аруаа имҩаҧырго акоманда- штабтә ҽазыҟаҵарақәа, рыхгьы бзианы иаадырҧшуеит, Аҟәатәи иреиҳаӡоу арратә ҵараиурҭа жәаф шықәса ахыҵра аҳаҭыр азы арҵаҩцәеи, акурсантцәеи аҳамҭақәа ранашьан.

 Даур Иинаҧшьба, Алықьса Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Аҭыжьымҭаҿы: Акурорттә сезон  аихшьаалақәа рзы. Аҧсны  Ахада  дидикылеит акурортқәеи атуризми рзы    аминистр.
7
Борис  Гәыргәылиа ишәҟәы ахҧатәи атоми , иара иҷкәын изку  ашҟәы  «Абзагәи ».
10
Ҟрымтәи асасцәа рныҟәара хацдыркит  Аҟәатәи  ахшаалыҵ зауад ала.  
8
Иара Ахада изеиҭеиҳәеит, ҳазну ашықәс ноиабр акынӡа ареспублика ишаҭааз миллионҩык рҟынӡа аҧсшьаҩцәеи атуристцәеи.
41
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
48
Иара Аҧсны амилаҭтә олимпиатә еилакы аҿы  адныҳәаларақәа идикылон
Алаҳәарақәеи адныҳәаларақәеи
АГТРК