Аҧсны дааны дыҟоуп Сириатәи ареспублика ашәарҭадаратә маҵзура аинрал, ҳџьынџьуаҩ Уалид Маршьан.

31.10.2016
810

Аҧсны  дааны  дыҟоуп Сириатәи ареспублика    ашәарҭадаратә маҵзура  аинрал,  ҳџьынџьуаҩ   Уалид Маршьан.  Арепатриациазы  аҳәынҭқарратә  еилакы  аҟны имҩаҧысит   иара   иҧылара.

Сириа мацара акәымкәа уи анҭыҵгьы зыӡбахә бзианы  ирдыруа, хылҵшьҭрала иаҧсыуоу Уалид Маршьан Аҧсныҟа уажәадагьы акырынтә даахьеит. Аишьцәа хҩык, Мамдух, Шараф , Уалид  Маршьанаа еицырдыруеит. Зыҧсҭазаара иалҵхьоу Мамдух Сириатәи арра ҳаиртә мчқәа реинрал иакәын, занааҭла иҳақьыму Шараф иакәзар, Сириатәи апарламент дадепутатуп, Уалид - Башар Асад ир даинралуп.

Аиҧылара аартуа, Арепатриациазы ахеилак ахантәаҩы Вадим Ҳаразиа иҳәеит, Сириатәи  ҳџьынџьуааи Уалиди реиқәшәара шеиҿкааз, аибашьра шцо, иҟоу алҵшәақәа, аҭагылазаашьа зеиҧшроу урҭ ахҭысқәа ирылахәу ауаҩы иҟынтә аилкааразы.

«Фышықәса инарзынаҧуша ицо аибашьра  иалахәу рымчқәеи рылшарақәеи шеиҟарамгьы, Асад ир рхырҕәҕәарҭақәа аҕа имҭаразы  ирылшо зегьы ҟарҵоит»,- иҳәеит Уалид Марашьан. Иара иажәақәа рыла, аҳәынҭқарра дуқәа ринтересқәа ахьеиҿагылаз иахҟьаны, аҧсдагьыл  рхы ақәырҵоит уи ахьчаҩцәа. Убри аан иазгәеиҭеит, Сириатәи ар рымчқәа шдырҕәҕәаз,еиҳа  ишеиҿыркааз.

Аиҧылара цон сааҭк еиҳаны, уи иалахәыз Уалид Маршьан ргәы иҵхоз азҵаарақәа ирҭеит. Аинрал иҳәеит, агәра ганы дшыҟоу Сириа зегьы ахы ишақәиҭыртәуа азы. Убри аан иазгәеиҭеит, адгьылҵакыра дуқәа ИГИЛ архәҭақәа рҟынтә ишҭадырцәхьоу.

Елана Лашәриа, Асҭамыр Гәажәба,  АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Август 2018
20
Аҭыжьымҭаҿы:Усутә визитла. Аҧсны Ахада Рауль Ҳаџьымба дидикылеит Урыстәыла Ашәарҭадаратә хеилак амаӡаныҟәгаҩ ихаҭыҧуаҩ Рашид Нургалиев.
20 Август 2018
15
Кореиатәи ахәаахәҭра ааглыхратә палатеи дареи рыбжьара аусеицуразы аиқәшаҳаҭра рнапы аҵарҩит.
17 Август 2018
9
17 Август 2018
14
Уи иалахәын ахәыҷтәы вокалтә гәыҧ «Анасыҧ» ашәаҳәаҩцәа қәыҧшцәа.
17 Август 2018
10
Ақәҵара инақәыршәаны, атәанчаҩцәа ахәшәқәа рыхәҧса ҩажәи хәба процент агырханы иаархәартә алшара рымоуп.
Загрузка плеера
Алаҳәарақәеи адныҳәаларақәеи
АГТРК