Имҩаҧысит Аҧсны Жәлар реизара асессиа изаамҭанытәиу аилатәара.

02.11.2016
861

Имҩаҧысит Аҧсны  Жәлар реизара  асессиа   изаамҭанытәиу   аилатәара.   Адепутатцәа  еицҿакны    Жәлар реизара   аиҳабы ихаҭыҧуаҩыс  далырхит    Валери Кәарҷиа.  Асессиа  аҟны    Ешсоу  Какалиа   Аҧсны  апрокурор  хада    ихаҭыҧуаҩыс  дшьақәдырҕәҕәеит    адепутатцәа  еицҿакны.

Аҧсныи Урыстәылеи   рыруаа    амедицинатә  цхыраара    рзыҟаҵаразы   аиқәшаҳаҭра    аратификациа  азыруит    асессиа аилатәараҿы.

Адепутатцәа   убасгьы   ирылацәажәеит    егьырҭ  азакуанқәа рпроектқәагьы.

Аилатәара аартуа, Жәлар Реизара ахантәаҩы Валери Бганба иҳәеит,  абџьар иазку азакуан апроект ахәаҧшра ахыгатәуп ҳәа шыиҧхьаӡо. Валери Бганба игәаанагарала, уи иҵегь аус адулатәуп.

Убри аан ари азакуан  аҧсахрақәа ралагалара аус адызулоз адепутатцәа руаӡәк Беслан Гәбаз иҳәеит, апроект  адкылара ашәарҭара ацны ишимбо.
Адепутатцәа реилатәараҿы администртивтә ҧҟараеилагарақәа рзы  азакуан апроект аҧсахрақәа ралагалара иалацәажәеит. Адепутат Роберт Иаилиан иҳәеит, аҵыхәтәантәи аамҭазы узыцәшәаша амҽхак зауз амҩатә машәырқәа раанкыларазы, амҩадуқәа рҿы авидеохылаҧшыгақәа рықәыргылара азҵаара аӡбара иацхраауеит ҳәа шырыҧхьаӡо.

Ари апроект алацәажәараан адепутатцәа ргәаанагарақәа рҽеиҩыршеит. Дмитри Гәынба иажәақәа рыла, аҧҟара еилазгаз, аҧсҟы зку ауаа аныҟәцаразы азин рызҭо аршаҳаҭга аргьежьра апроцедура еиҳа ирмариатәуп.

Жәлар Реизараҿы Аҧсны Ахада еснагьтәи ихаҭарнак Дмитри Шамба убри аан иазгәеиҭеит, “административтә зинеилагарақәа”  рзы азакуан адкылара иазыхиоуп ҳәа шиаҧхьаӡо.

Ари азакәан апроект акраамҭа иалацәажәон. Иҟаҵан ажәалагақәа маҷымкәа. Иазгәаҭан,  ахәҭаҷқәа ишрыҵаркуа аҳәаанырцәтәи атәылауаагьы, аха азакуан зегьы рзы ишеиҧшу, уи зызку ауаа еилыхшьа  шрымам. Аҵыхәтәан азакуан апроект абжьаҭаразы иқәыргылан. Аилатәара иалахәыз ҩажәи ааҩык адепутатцәа рҟынтә зыбжьы зҭииз  ҩажәи хҩык  роуп, урҭ рахьтә жәибыжьҩык адгылеит, хҩык рҽааныркылеит, иаанхаз зынӡа рыбжьы рымҭиӡеит. Адепутат Ахра Бжьаниа агәынамӡара аарҧшуа иҳәеит, адепутатцәа абжьы амҭира азин шрымам. Ажәалагала ҟаҵан ахараҧса ашәара иазку азакуан апроект апункт аҧсахрақәа алагаланы еиҭарыдыркыларц. Аха уи иаҿагылаз ҟалеит, адепутатцәа аӡәырҩы ирҳәеит, азакуан азин шырнамҭо еиқәырццакны ҩынтә проектк абжьаҭаразы ақәыргылара. Абас ала, азакуан апроект аҩбатәи аҧхьараҿы ирызрыдымкылаӡеит. Уи адепутатцәа ахәаҧшырц азы ирыдгалахоит анаҩстәи аилатәараҿы.

Анаюс адепутатцәа  абҩарҵәыреи аспорти рзы азакуан апроект аҧсахрақәа алагаланы ирыдыкрылеит. Иара убасгьы хазы игоу аусурақәа рзин аҟаҵаразы азакуан апроекти, ахылаҧшратә палатазы азакуан аҧсахрақәа ралагалареи, аҳәынҭқарратә ҳазеи рзы азакуан апроектқәа рыдыркылеит. Иара убасгьы,  Аҧсни Урыстәылеи рыруаа амедицинатә цхыраара рыҭаразы аиқәшаҳаҭра аратификациа азун. Адепутатцәа маӡалатәи рыбжьаҭарала, Апрокурор хада ихаҭыҧуаҩыс дшьақәдырӷәӷәеит Ешсоу Какалиа. Жәлар Реизара ахантәаҩы ихаҭыҧуаҩыс иҟаз Даур Аршба Аҳәынҭқарра Ахада Иусбарҭа аиҳабыс дахьарҭаз инамаданы, апарламент ахантәаҩы ихаҭыҧуаҩыс иалхразы икандидатура ықәыргылан Валери Кәарҷиа. Абжьыҭара мҩаҧысуан маӡала. Анаҩс ишеилкаахаз ала, адепутатцәа 26 ҩык Валери Кәарҷиа рыбжьы ирҭеит, аӡәы мап ацәикит. Жәлар Реизара ахантәаҩы ихаҭыҧуаҩ  ҿыц иҭабуп иҳәеит ирҭаз агəрагаразы.

Аҵыхәтәантәи азҵаара азкын 2016 шықәса рзтәи аҳәынҭқарратә биуџьет азы азакуан апроект аҧсахра алагалара. Аҧыза-министр ихаҭыҧуаҩ, афинансқәа рминистр Дмитри Сериков иҳәеит, уи зыхҟьаз  Урыстәылатәи Афедерациа аҟынтә иаауа афинанстә цхыраара х-миллиардк иреиҳаны  иахьагхаз шакəу.

Аҧыза-министр ихаҭыҧуаҩ, афинансқәа рминистр иқәгылара анаҩс, адепутат Гьаргь Агрба иҳәеит, ари азҵаара апарламенттә еилакы аилатәараҿгьы ишалацәажәахьоу. Убри аҟынтә азакәан апроект рыдыркылар ахәҭоуп ҳәа шыиҧхьаӡо. Аха, адепутатцәа азҵаарақәа рызцәырҵит.  

Дмитри Сериков иҭаз азҵаарақәа рҭакқәа ҟаиҵеит. Сааҭк еиҳаны ицоз  алацәажәара анаҩс, адепутатцәа азакуан апроект  абжьаҭаразы иқәдыргылеит. Адепутатцәа еицҿакны  уи азы рыбжьы рҭиит.  Иара убасгьы Дмитри Сериков иҳәеит, ҩнызқьи жәибжь шықәсазтәи абиуџьет аус адулара шымҩаҧысуа. Уажәнатә рбиуџьет смета еиқәдыршәахьеит аусбарҭақәеи аминистррақәеи реиҳарак. Сынтәатәи ашықәс анҵәамҭазы иара адепутатцәа ирыдгалахоит адкыларазы.

Елана Лашәриа,Беслан Џьынџьал, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
41
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
114
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
98
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
140
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК