Аҧсны агәабзиарахьчара аминистрра анапхгареи аҳақьымцәеи, асанитар-епидемиологиатә маҵзурақәа рхаҭарнакцәеи рҭакқәа ҟарҵеит ажурналистцәа рызҵаарақәа.

02.11.2016
608

Аҧсны агәабзиарахьчара аминистрра анапхгареи аҳақьымцәеи, асанитар-епидемиологиатә маҵзурақәа рхаҭарнакцәеи рҭакқәа ҟарҵеит ажурналистцәа рызҵаарақәа. Дара алацәажәеит ареспубликатә хәышәтәырҭа ахшараиурҭа аҟәша аҿы «синегнойная инфекция» цәырҵу-ицәырымҵу аилкааразы аусурақәа ахьынӡанаргахьо. Убасгьы ирзааҭгылеит ахәыҷтәы хәышәтәырҭақәа рҭагылазаашьа.

Аҵыхәтәантәи аамҭазы ахшараиурҭатә ҩнаҿы имҩаҧысуа ахҭысқәа ауааҧсыра рыбжьара ацәажәарақәа цәырнагеит. Ари амаза иалагӡаны иҟоуп зыҧсҭазаара иалҵыз амаалықьцәа. Убри анаҩсгьы, ари ахшараиурҭаҿы «синегнойная инфекция» ыҟоу ыҟаму макьана ишьақәыргылам. Ааигәа ахәыҷтәы ареспубликатә хәыштәырҭахь инаргаз еициз амаалықьцәа иахәҭаз агәаҭарақәа ианахрыжь ашьҭахь, ишьақәаргылан «синегнойная инфекция» рцәа иалоуп ҳәа. Аха рҭаацәа урыстәылатәи аҳақьымцәа ианрыдҵаала ирҳәеит, уи абактериа рцәа ишалам. Агәабзиарахьчара аминистр ихаҭыҧуаҩ инпынҵақәа назыгӡо Ҭамаз Ҵахнакьиа иҳәеит, ахшараиурҭаҿы аинфекциа ыҟоу иҟаму аилкааразы аусурақәа ишырҿу. Иазгәеиҭеит ,ианакәзаалак ахәышәтәырҭақәа рыҩныҵҟа аинфекциа зхылыҿиаауа цәырҵыр шалшо. Аха уи ацәа иаламларц азы ианаамҭоу аусурақәа мҩаҧгалатәуп.

Ахшараиурҭатә ҩны аҟны «синегнойная инфекция» аҵыхәтәантәи ашықәсқәа рзы иҟаӡамызт, сынтәагьы ишыҟамыз ҳара имҩаҧаҳгаз агәаҭарақәа иаҳдырбеит,- лҳәеит ахшараиурҭатә ҩны аҳақьым Викториа Ворабиова Ареспублика апедиатр хада Ада Абыхәба иазгәалҭеит, ареспубликаҿы ишазымхо ахәыҷтәы ҳақьымцәа, еиҳаракгьы аинфекционистцәа. Ари азҵаара аӡбара аҭыхны иҟоижьҭеи акрааҵуеит, - лҳәеит лара. Ахәыҷқәа ргәабзиара уашәшәыразар, иаарласны аҳәаанырцәтәи ахәышәтәырҭарқәа рахь изларго, медицинатә мыругала еиқәыршәоу автомашьынақәа ыҟаӡам.
Агәабзиарахьчара аминистрраҿы уаанӡа ирымаз ҩба бжьысны игылоуп. Уажәы ари азҵаара аӡбара ҳаҿуп, иҳәеит Ҭамаз Ҵахнакьиа. 

Ҵыҧхтәи ашықәс иаҿырҧшны иаҳҳәозар, сынтәа ахшараиурҭатә ҩни, Ареспубликатә ахәыҷтәы хәышәтәырҭеи рҟны здунеи зыҧсахыз рхыҧхьаӡара маҷк иазҳаит сынтәа. Аҳақьымцәа ражәақәа рыла, уи зыхьҟьо ахәыҷқәа раамҭа аиаанӡа иахьиуеи, мамзаргьы еиуеиҧшым ачымазарақәа ахьышьҭыркаауеи роуп. Абрифинг иалахәыз ирҳәеит, иааиуа амчыбжь азы ишеилкаахо Ахшараиурҭатә ҩнаҿы аинфекциа ыҟоу иҟаму, имҩаҧыргаз агәаҭарақәа рзы алкаақәа аныҟаҵахалак.

 Фатима Гьергьиа, Саид Агәхаа АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Февраль 2018
54
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
53
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
21 Февраль 2018
39
144 ш. ҵит апоет диижьҭеи, уи иадҳәаланы Аҟәа имҩаҧысит агәаларшәаратә уснагӡатәқәа.
20 Февраль 2018
105
19 Февраль 2018
129
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
Загрузка плеера
Алаҳәарақәеи адныҳәаларақәеи
АГТРК