Амшентәи аерманцәа ркультуреи, рыбзазашьеи аазырҧшуаз ҽаҩраҭагалан иазкыз афестиваль

03.11.2016
791

Амшентәи  аерманцәа ркультуреи, рыбзазашьеи аазырҧшуаз ҽаҩраҭагалан иазкыз афестиваль раҧхьаӡа  акәны имҩаҧган  Гәылрыҧшь араион  Ҧшьаҧ ақыҭан.

Ари аныҳәа иаҭааит Аҧсны Ахада Рауль Ҳаџьымба,  Жәлар  Реизара ахантәаҩы Валери Бганба, Аҧсны Ахада Иусбарҭа аиҳабы Даур Аршба. Апарламент  адепутацәа,  ауаажәларра.  

Мышкы аҩныҵҟа Ҧшьаҧтәи абжьаратәи ашкол ашҭаҿы имҩаҧысуаз афестиваль аҿы иумбоз иарбану. Амшентәи аерманцәа ркультуреи рыбзазашьеи аазырҧшуа анапкымҭақәа рцәыргақәҵа еиҧш,амилаҭтә чысхкқәагьы. Ари алу шәышықәса еиҳаны иахыҵуеит, уи  акыр ишықәсхьуогьы, ианҿыцыз еиҧш илагоит. Аҭоурых ду зцу иара иахӡыӡоит,  абиҧарақәа еимдо иаарго агәалашәарақәа рсимвол аҳасаб ала.
Ари  аныҳәаҿы иззыҧшыз, ҷыдала ааҧхьара зыҭаз сасын аҳәынҭқарра Ахада Рауль Ҳаџьымба. Иара иҧылеит амилаҭтә кәашарала.

Рауль Ҳаџьымба идырбеит  ицәыргақәҵаз амузеи, изеиҭарҳәеит аекспонатқәа рҭоурых. Аҳәынҭқарра Ахада дазҿлымҳаны дырзыӡырҩит арҭ амаҭәарқәа ирыдҳәалоу  ахҭысқәа. Акыр аинтерес изцәырнагеит ишаӡоу ирҷыҷуа аҧш иалырхуа ашыла.

Рауль Ҳаџьымба иҳәеит, асеиҧш аныҳәақәа шеиҿкаалатәу. Урҭ ажәлар шеидыркыло.
Ирҳәоит, Амшентәи аерманцәа рчыс  рмилаҭтә чысхкқәа зегьы ирылукаауеит ҳәа. Даара аинтерес аҵоуп ахәыц иалху ақашь, мамзаргьы ахапара аҩныҵҟа ижәу абрынџь, араҟа ирацәоуп згьама абара иаҧсоу афатәхкқәа. Аныҳәа иара убасгьы иазкын аҽаҩра аҭагалара.

Амшен раҧхьаӡа акәны ишеиҿкаазгьы, иаразнак хыҧхьаӡара рацәала ауаа аднаҧхьалеит.Уи иалахәыз ирҳәон, гәахәарыла ишрыдыркылаз амилаҭтә ныҳәа аиҿкаара. Иазгәаҭатәуп, афатәқәа зегьы  аҩны ишыҟаҵаз акгьы шаахәамыз.

Аныҳәа аофицлатә хәҭа аартуа, иалацәажәан аҭоурыхтә ӡыблара иалҵны, агеноцид иацәцаны Аҧсны ахыҵакырҭа зыҧшааз амшентәи аерманцәа рхылҵшьҭрақәа шракәу  иахьа араҟа инхо аерманцәа реиҳараҩык. Еизаз аныҳәа рыдиныҳәалеит Аҧсны Ахада Рауль Ҳаџьамба. Иара иазгәеиҭеит, амилаҭқәа зегьы ишрыламшо  ашәышқәсқәа иргәылаганы, имырӡӡакәа рҭоурых аагара.
Аныҳәа хыркәшан аҭыҧантәи ахаҧшьгаратә коллективқәа рықәгылара ала.

Елана Лашәриа, Алықьса Агәхаа, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
8
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
4
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
6
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
3
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
5
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
3
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК