Имҩаҧысит Аҧсны Аминистрцәа Реилазаара аилатәара.

04.11.2016
706

Имҩаҧысит  Аҧсны  Аминистрцәа Реилазаара   аилатәара.   Изхәаҧшуаз  азҵаарақәа реиҳарак  акадрқәа рышьақәырҕәҕәара  иазкын.  Аилатәараҿ, убасгьы,    Ақәҵара рыдыркылеит  ҩ-нызқьи  жәибыжь шықәсазтәи аусутә мзар азы.  

Аилатәара алагеит амшхәаҧштә алацәажәарала. Уи ашьҭахь ииасын ақәҵарақәа рыдкыларахь. Аилатәара иацҵо, аминистрцәа ирыдгалан  Рауль Зыхәба  аҩныҵҟатәи аусқәа рминистр актәи ихаҭыҧуаҩыс, Нугзар Ҳагәышьи, Беслан Ҧарулуеи, Едита Ҵнариеи аҩныҵҟатәи аусқәа рминистр ихаҭыҧуаас рыҟаҵара. Аминистрцәа ари ажәалагала адгылара арҭеит. Аҩныҵҟатәи аусқәа рминистр Аслан Кобахьиа иҳәеит, дара ламысцқьалатәи русура агәра шиго. Аилатәараҿы аҭагылазаашьа ҷыдақәа рзы аминистр ихаҭыҧуаа Тигран Делибалтиани Гәырам Ҧсардиеи рмаҵзурақәа рҿы ишьақәырҕәҕәан.

Аминистрцәа ирыдыркылаз Ақәҵара инақәыршәаны, акультуреи акультуратә ҭынхақәа рыхьчареи рзы аминистр лхаҭыҧуаас иҟаҵоуп Баҭал Кобахьиеи Беслан Ҕәырџьуеи. Адәныҟатәи аусқәа рминистр  ихаҭыҧуаас иҟаҵоуп Кан Ҭаниеи Олег Аршбеи. Аекономика аминистр ихаҭыҧауҩс дынхеит Баҭал Ҭарба. Аминистрцәа адгылара арҭеит Џьансыхə Нанбеи Ирма Амҷбеи афинансқәа рминистр ихаҭыҧуаас рыҟаҵаразы. Владимир Даурови Ашот Миносиани ақыҭанхамҩа аминистр ихаҭыҧуаас ишыҟаз инхеит. Рауль Ҧанҭиа аиустициа аминистр ихаҭыҧуаҩыс дшьақәдырҕәҕәеит. Убасгьы адгылара арҭеит Ольга Коҕониеи Карине Паршинеи аџьеи асоциалтә хархәареи рзы аминистр ихаҭыҧуаас рышьақәырҕәҕәараҿы. Асҭамыр Ахба акурорти атуризми рзы аминистр ихаҭыҧуаҩыс  даанрыжьит.  

Аминистрцәа адгылара арҭеит Аҧсуа телерадиоеилахәыра ахантәаҩыс Ҭали Џьапуа лыҟаҵара. Уаанӡа лара аҳәынҭқарратә бызшәатә политиказы атәыла ахада иабжьгаҩыс аус луан. Аха илымоу аҧышәеи адыррақәеи  еиҳа ателехәаҧшраҿы ихәарҭахоит ,ҳәа азгәеиҭеит аҧыза-министр.

Аилатәараҿы аминистрцәа ирыдыркылеит ақәҵара аҳәынҭқарратә еилакқәа рхантәаҩцәа рхаҭыҧуаа рышьақәырҕәҕәаразы. Иара убас иҿыцу акадртә зҵаарақәа ирзааҭгылеит. Атәыла ахадара ишьақәдырҕәҕәеит аҳәынҭқарратә қьыҧхьқәа рхадацәагьы. Иара убас иааиуа ашықәсазтәи аусутә мзар.

Сима Аргәын, Беслан Џьынџьал, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Убри инадҳәаланы ҳтәыла ашколқәа рҿы имҩаҧысуеит агәыҳалалра иазку аурокқәа.
7
Уаҟа аҧсуа монетақәа ирызку аинформациа аҧхьатәи адаҟьақәа рҿы икьыҧхьуп.
Алаҳәарақәеи адныҳәаларақәеи
АГТРК