Аҧсны адукатцәа рпалатаҿы имҩаҧысит анаука-практикатә конференциа.

04.11.2016
492

Аҧсны адукатцәа рпалатаҿы имҩаҧысыз анаука-практикатә конференциа иалахәын Башкортастани Адыгеи рдукатцәа рпалатақәа рхантәаҩцәа. Аконференциа акыр ихәарҭоуп еиҵагылоу адукатцәа рҧышәа аимдара аус аҟны.

Аҧсны Ахада Рауль Ҳаџьымба аконференциа иалахәыз рыхьӡала адныҳәаларатә шәҟәы наишьҭит. Адукатцәа рнаука -практикатә конференциа аартуа, еизаз рҿаҧхьа дықәгылеит Аҧсны адукатцәа рпалата ахантәаҩы Иван Зарандиа. Иара иҳәеит, ас еиҧш иҟоу аконференциақәа лассы- лассы ишеиҿкаалатәу адукатцәа русураҿы ирҧыло ауадаҩрақәеи аихьӡарақәеи рылацәажәаразы. Ҭабуп ҳәа реиҳәеит аконференциа аҽалархәразы Урыстәылантәи иааз асасцәа. Аҳәынқарра Ахада Рауль Ҳаџьымба аконференциа алахәлацәа рыхьӡ ала иҟаиҵаз адныҳәаратә шәҟәы даҧхьеит Адукатцәа рпалата ахантәаҩы Иван Зарандиа.

Анаҩс, Башкортостантәи адукатцәа рпалата ахантәаҩы Булат Иумадилови Иван Зарандиеи рнапы аҵарҩит аусеицуразы аиқәышаҳаҭра. «Аҧхьаҟа ҳусеицура аҽарҕәҕәароуп»- иҳәеит Булат Иумадилов иқәгылараҿы. «Адукат изанааҭ мариам, ҳҧышәа аимдареи ҳзанааҭтә дырра ашьҭыхреи рҿы еснагь ҳаицхырааҩцәахоит,»- иҳәеит иара. Адыгатәи аҳәынҭқарра адукатцәа рпалатеи, Аҧснытәи адукатцәеи хышықәсоуп аусеицуразы аиқәшаҳаҭра рнапы аҵарҩижьҭеи, - «уи аамҭа иалагӡан, ҳара ҳусеицура аҽарҭбаауеит,»- иҳәеит Адыгатәи адукатцәа рпалата аханатәаҩы Али Мамии иқәгылараҿы.

Асасцәеи аҧшәмацәеи еимырдеит агәаларшәагатә ҳамҭақәа . Анаҩс ииасын ажәахәқәа рахь. Ари анаука-практикатә конференциа аҿы иззааҭгылаз аҵаарақәа ируакын: Азинтә цхыраара аусхкҿы ареформақәа ралагалара аҧеиҧш; адукатцәа аусураҿы ирҧыло ауадаҩрақәа ртәы; Ауааҧсыра рзинқәа рыхьчараан рхы иадырхәо уҳәа. Аҧснытәи адукатцәа рпалата аханатәаҩы Иван Зарандиа иҳәеит: Урыстәылатәи рколлегацәа ирҿырҵааша шмаҷым. «Ҳара еиҵагыло адукатцәа рзанааҭтә дырра аизырҳара ҳазҿлымҳауп, еснагь адгылара раҳҭоит»- иҳәеит уи Анаука - практикатә конференциаҿы иқәгылоз адукатцәа азааҭгылон русураҿы ирҧыло ауадаҩрақәеи, аихьӡарақәеи ртәы. Иара убасгьы ирҳәеит, аҵыхәтәантәи аамҭазы рхыҧхьаӡара шырацәахаз аиуристтә занааҭ змаӡамкəа ауааҧсыра рзинқәа зыхьчогьы, уи азҵаара даара ахшыҩзышьҭара аҭатәуп рҳәеит адукатцәа .

 Фатима Гьергьиаҧҳа, Алықьса Агәхаа ,АТ .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Февраль 2018
58
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
55
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
21 Февраль 2018
41
144 ш. ҵит апоет диижьҭеи, уи иадҳәаланы Аҟәа имҩаҧысит агәаларшәаратә уснагӡатәқәа.
20 Февраль 2018
105
19 Февраль 2018
129
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
Загрузка плеера
Алаҳәарақәеи адныҳәаларақәеи
АГТРК