Аҧсны аҳәынҭқарра Ахада Рауль Ҳаџьымба дидикылеит СССР аспорт азҟаза Борис Багаҭелиа.

07.11.2016
862

Аҧсны аҳәынҭқарра Ахада Рауль Ҳаџьымба дидикылеит СССР аспорт азҟаза Борис Багаҭелиа. Аспорт аветеранцәа рыбжьара ааигәа имҩаҧысуаз самбо азы адунеи ачемпионат аҟны иара аџьазтә медал агара даҧсахеит. Рауль Ҳаџьымба аспортсмен дидныҳәаланы ақәҿиарақәа изеиҕьеишьеит.

Борис Багаҭелиа диит Очамчыра араион Отаҧ ақыҭан. Уи дшыхәыҷыз нахыс аспорт агәыбылра икит. Барнаул ақалақь аҿы арра маҵзура ихигон аспорттә ротаҿы. Уаҟа ауп самбо-дзиудо аспорт хкахьы даниасызгьы. Арратә шықәсқәа ирылагӡаны, Борис иҽрылаирхәт еиуеиҧшым атурнирқәа.Изныкымкәагьы аиааира игахьан. Арра маҵзура ашьҭахь иара аспорт нимыжьит. Анаҩс ихҵан СССР аспорт азҟаза ҳәа ахьӡ. Қырҭтәылеи Прибалтикеи рзы дықәгылон. СССР арезервтә гәыҧ далан. Зқьи жәшәи ҧшьынҩажәи ҧшьба шықәса рзы дхынҳәуеит Аҧсныҟа, дҭалоит аҳәынҭқарратә университет. Уи аныхиркәшалак ашьҭахь, аамҭала аспорт аанижьуеит. Ақыҭақәа Ҷлоуи Аҭареи азыҟаҵаҩыс аусура далагоит.

Аҧсны Аџьынџьтәылатә еибашьра далахәын. Ҕәҕәалагьы ахәра иоуит, аха илиршеит Аҧсны ахақәиҭтәра аҽалархәра. Аибашьра анаҩс Аҧсны ашәарҭадаратә маҵзураҿы аус иуан. Ҩнызқьи жәаха шықәса рзы деиҭахынҳәуеит аспорт ду ахь. Аспорт азҟазацәа аветеранцәа рыбжьара Урыстәыла еизгоу агәыҧ далахәхоит.

Самбо азы жәларбжьаратәи атурнир хынтәны даиааиуеит, иара убас Урыстәыла ачемпионат. Адунеи ачемпионатқәа рҟны изныкымкәа аҩбатәи ахҧатәи аҭыҧқәа ааникылахьеит. Дҭаацәароуп ҧшьҩык ахшара драбуп,имоуп ҧшьҩык амаҭацәа. Борис Багателиа дидикылеит Аҧсны Аҳәынҭқарра Ахада Рауль Ҳаџьымба. Иара аспорт азҟаза иҭабуп ҳәа иеиҳәеит Аҧсны ахьӡ ахьҭиго азы. Борис Багаҭелиа иҳәеит, даараӡа игәы ишахәаз Аҧсны аҳәынҭқарра изыҟанаҵо азҿлымҳара. Анаҩсгьы илшо зегь шыҟаиҵо Аҧснытәи аспорт ахьӡ аҭгаразы. Ари ашықәс иалагӡан Борис Багаҭелиа иҽрылаирхәраны дыҟоуп атурнирқәа жәпакы. Агәра ганы ҳаҟоуп уаҟагьы ақәҿиарақәа шааирҧшуа.

 Н.Ақаҩба, Б.Чхьынџьериа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
8
Аизара аҟны Аҧсны арратәи аполитикатәи ҧсҭазаараҿы зџьабаа акыр идууз, зыдунеи зыҧсаххьоу иранашьан "Аиааиразы"амедал.
47
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК