Аҧснытәи ацитрусттә нхамҩақәа рҿы иҭаргалараны иҟоуп 30 нызқь тонна инарзынаҧшуа амандарина.

07.11.2016
639

Сынтәа   Аҧснытәи   ацитрусттә   нхамҩақәа   рҿы   иҭаргалараны иҟоуп ҩажәи жәаба нызқь тонна  инарзынаҧшуа  амандарина. Абри атәы рҳәеит   ақыҭанхамҩа    аминистрраҿы. Уажәы  мҽхакы  ҭбаала  акәымзаргьы , аҽаҩра  аингалара   иаҿуп.

Сынтәа иззыҧшу амандарин аҽаҩра ҵыҧхтәи аасҭа еиҳауп. Абри атәы иҳәеит ақыҭанхамҩа аминистр ихаҭыҧуаҩ Владимир Дауров.  Ишьақәыргылаз ҩажәи жәба нызқь тонна, изыцлар мамзаргьы маҷк изыгхар ауа, бжьаратәла иалкаау хыҧхьаӡароуп. Аҽаҩра зеиҧшроу аилкааразы Аҧсны араионқәа зегьы ирҭааны агәаҭарақәа мҩаҧнагеит ҷыдалатәи акомиссиа.

Аҧсны беиоуп ацитрустә нхамҩақәа  рыла. Аибашьра ҟалаанӡа амандарин аазрыхуаз  еицлабны  еизыргоз аҽаҩра зықь тоннала ирыҧхьӡон. Аибашьраан ашәыр ааха ҕәҕәа аҭан, уи анаҩсгьы иҟоуп зықәра ханҩажәа шықәса инарзынаҧшуа ацитрустә ҵлақәа. Ҳәарада, урҭ иаарышьҭуа аҽаҩра маҷуп, насгьы ахаҭабзиарагьы анкьатәи аҩаӡара амаӡам. Аха, ауадаҩрақәа шырацәоугьы, ацитрустә нхамҩақәа рнапхгаҩцәа ирылшо зегьы ҟарҵоит  урҭ  реиқәырхаразы. Владимир Дауров иажәақәа рыла,  сынтәа аҧышәаратә проект аҳасаб ала иаларгалеит ҿыцрак. Урыстәылантәи иаахәаны иааган амандарина зҭарыҧсо аҭрақәа злаҟарҵо, ҳаамҭазтәи ашәага-загақәа ирықәшәо   амаруга ҿыц. Уи шьақәыргылан зегь реиҳа зымҽхак дуу ҳәа иҧхьаӡоу Гәылрыҧшьтәи аналпакы «Софиа» аҿы.

Сынтәатәи аҽаҩра иҵегь еиҳахон ахәаҷа ҧырхага ҟанамҵазҭгьы. Еиҳаракгьы аҧхасҭа рыҭан Аҧсны Мрагыларатәи ахәҭақәа рҿы иҟоу анхамҩақәа. Убри аан, аминистр ихаҭыҧуаҩ иҳәеит, ауааҧсыра раалыҵ аҳәаа ианахырго ауадаҩрақәа шырмоуа атәы. Макьана изаацәоуп ацитрустә шәырқәа реингалара иаҭныҵны  абиуџьет иаланагало ахашәала атәы алацәажәара, избан акәзар, ишьақәыргылаӡам аҳәынҭқарра кьылак амандарин  иақәнаҵо ахәҧса.

Иҳәатәуп, арҭ амшқәа рзы Аҧсныҟа ишаауа Урыстәылатәи афедерациа ақыҭанхамҩатә аалыҵ ахылаҧшразы амаҵзура аузсуҩцәа. Урҭ хымш рыҩныҵҟа араҟа агәаҭарақәа мҩаҧыргалоит.

Елана Лашәриа, Беслан Џьынџьал, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ииун 2018
63
Аҭыжьымҭаҿы:Ҩажәи хәба шықәса раахыс ӡыда. Ақыҭақәа Баслеи Драндеи рынхацәа ацхыраара иаҳәоит.
18 Ииун 2018
82
Аха араҟа аӡымҩангагақәа рышьҭаҵара иаҿуп , иаарласынгьы ихыркәшахоит .
18 Ииун 2018
59
Аӡы апроблема иашьҭанеиуеит даҽа уадаҩрак. Амҩа аҭагылазаашьа бааҧсуп.
18 Ииун 2018
65
Урҭ рыҧсы еиқәдырхеит ааигәа иҟаз аҭыҧантәи арҧарцәа.
18 Ииун 2018
73
Аполис зауз зегьы, алшара роуеит хәыда- ҧсада УА еиуеиҧшым ахәышәтәырҭақәа рҿы аҽыхәышәтәразы.
15 Ииун 2018
73
«Аҧсныи Урыстәылеи раҧхьагылаҩцәа қәыҧшцәа» рфорум.. Москва имҩаҧысыз аҿар рфорум далахәын Аҧсны Ахада.
Загрузка плеера
Алаҳәарақәеи адныҳәаларақәеи
АГТРК