Аҧсны агәабзиарахьчара аминистрраҿы имҩаҧысит аҳақьымцәа злахәыз аилацәажәара.

09.11.2016
607

Аҧсны  агәабзиарахьчара аминистрраҿы имҩаҧысит аҳақьымцәа злахәыз аилацәажәара. Уаҟа ирзааҭгылеит  агриппи,   авирустә инфекциеи   ауаҩы   ишьҭимхырц  азы   инагӡатәу   аусқәа.

Иааигәахоит аӡынра. Уи  зегь бзиа еицаҳбо асы шкәакәа адагьы, агриппи аинфекциатә чымазарақәеи ацуп. Иҟаҵатәузеи урҭ  рҽырцәыхьчаразы. Аҧсны агәабзиарахьчара  аминистр актәи ихаҭыҧуаҩ Ҭамаз Ҵахнакьиа иажәақәа рыла, иааиуа аӡынраз аҿкы чымазарақәа еиҳарак ианцәырҵуа февраль мзазоуп. Убри азыҳәан имҩаҧгатәуп иахәҭоу апрофилактикатә уснагӡатәқәа. Убри инамадан, Аҧсны агәабзиарахьчара аминистрра иаанахəеит  арҭ ачымазарақәа ирҿагыло авакцинақәа. Ҵахнакьиа  иажәақәа рыла ,зегь раҧхьа иргыланы авакцинациа иахысроуп ахәыҷқәа, амедицинеи ашәарҭадареи  рмаҵзурақәа русзуҩцәа.

Аҟәеи Аҟәа араиони рсанитартә ҳақьым хада Алла Белиаева  излазгәалҭо ала, сынтәа иззыҧшу агрипп чымазара ари ҳзышьцылахьоу акакәӡам. “Штамм Гонконг” ҳәа изышьҭоу аҿкы иахырҟьаны зқьи жәшәи хынҩажәижәабатәи ашықәсқәа рзы зықьҩыла ауаа рыҧсҭазаара иалҵит. Урыстәыла ари шамахамзар иуҧылаӡом. Убри азыҳәан, ауаа риммунитет ас еиҧш иҟоу аҿкы изаҿагылом.

Авакцина аҟаҵара хымҧадатәуп ҳәа азырыҧхьаӡоит аҳақьымцәа. Урыстәыла авакцинациа хыркәшоуп. Еизаз аҳақьымцәа иазгәарҭон, авакцина ауаҩы игәабзиара ҧырхага шанамҭо. Уаҵәы инаркны авакцина Аҧсны араионқәа зегь рахь инагахоит. Ашәахьа нахыс ирылагоит ауааҧсыра разыҟаҵара.

Н.Ақаҩба, Б.Чхьынџьериа ,АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
113
17 Ианвар 2018
109
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
97
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
98
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
87
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
108
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
136
Загрузка плеера
Алаҳәарақәеи адныҳәаларақәеи
АГТРК