Тҟәарчалтәи адраматә театр актиор Нур Џьынџьал ииубилеи идырныҳәалеит аус ицызуа иҩызцәа.

09.11.2016
732

Шәарах Ҧачалиа ихьӡ зху Тҟәарчалтәи адраматә театр актиор Нур Џьынџьал ииубилеи идырныҳәалеит аус ицызуа иҩызцәа. Нур Џьынџьал раҧхьаӡа асценахь дцәырҵит ҩажәа шықәса анихыҵуаз.

Иара далан Мераб Ҷыҭанаа напхгара зиҭоз аҧсуа ҿартә театр. Шьалодиа Аџьынџьал иҩымҭа «Аҳақ» -аӡбаҩ ихаҿсахьа ааирҧшуан иара. Нур Џьынџьал иҳәеит, атеатр агәыблыра изыркыз Мераб Ҷыҭанаа шиакәыз. Иара иҿиҵааз шырацәоу. Зцәырҵрала ахәаҧшҩы дзырлахҿыхуа, хыҧхьаӡара рацәала еиуеиҧшым ахьаҿсахьақәа ахәаҧшҩы идигалахьеит Нур Џьынџьал. Иара инаигӡахьеит еиуеиҧшым арольқәа асценаҿы.

Иазгәаҭатәуп, Нур Џьынџьал актиор изанааҭ анаҩс даҽа баҩхатәракгьы шилоу. Ашкол даналга ашьҭахь, Аҟәатәи асахьаҭыхратә ҵараиурҭа дҭалеит. Қәҿиарала иҵара аныхиркәша, асахьаҭыхыҩ иаҳасабала ихы ҧишәон. Нур Џьынџьал убасгьы инаигӡахьеит арольқәа акинофильмқәа рҟны. Нур Џьынџьал асценахь ицәырҵра гәахәарала ирыдыркылоит ахәаҧшцәа. Еиҵагыло абиҧара ҿа ҳгәы иладууп, рҳәоит иара изы.

Нур Џьынџьал иҩызцәеи иареи уажәы Шәарах Ҧачалиа ихьӡ зху Тҟәарчалтәи аҧсуа комедиатә театр аҿы рҽазыҟарҵоит ашықәс ҿыц иазку ақәыргыламҭа . 

 А.Шьакаиа,Б. Чхьынџьериа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
74
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
75
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
62
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
204
14 Февраль 2018
195
Загрузка плеера
Алаҳәарақәеи адныҳәаларақәеи
АГТРК