Аҧсуа милициа аҧҵоижьҭеи 95-шықәса ҵит.

10.11.2016
475

Аҧсуа милициа аҧҵоижьҭеи 95-шықәса ҵит. Аҩныҵҟатәи аусқәа рминистрра ахаҭарнакцәа ашәҭқәа шьҭарҵеит Аҧсны жәлар рџьынџьтәылатә еибашьраан фырхаҵарала иҭахаз Аҧсадгьыл ахьчаҩцәа Аҟәатәи рбаҟа амҵан. 

Аҧсны Аҩныҵҟатәи аусқәа реиҿкаара ҳҳәынҭқарра аҭоурых иузаҟәымҭхо иадҳәалоуп. Имаҷым аҩныҵҟатәи аусқәа русзуҩцәа рлагала зқьи жәшәи ҩынҩажәи хәбатәи Аџьынџьтәылатә еибашьра ду аан. Иара убас рхы иамеигӡакәа рыҧсадгьыл ахьыҧшымразы иқәҧон Аҧсуа милициа аусзуҩцәа зқьи жәшәи ҧшьынҩажәи жәаҩа - ҧшьынҩажәи жәахатәи шықәсқәа рзтәи аибашьра аҟны. Аҧсуаа ирывагыланы еибашьуан Аҧсны инхо егьырҭ амилаҭқәа иреиуаз амилициа аусзуҩцәагьы. Аибашьра адәаҿы фырхаҵарыла иҭахеит ҩынҩажәи ҩыџьаҩык. Ахаҵареи, агәымшәареи рзы жәаха - ҩык амилициа аусзуҩцәа атәыла иреиҳаӡоу аҳамҭа «Аҧсны афырхаҵа» ҳәа ахьыӡ рыхҵоуп. Урҭ рахьтә хәҩык, ианҭаха ашьҭахь. Шәи жәаҩык амилициа аусзуҩцәа аорденқәеи, амедалқәеи ранашьан. Дара рылахәын мрагылареи мраҭашәареи ахырхарҭақәа рҟны ицоз ажәыларақәа зегьы . 

Иахьагьы амилициа аусзуҩцәа рыҧсадгьыл ахьчаразы, ашәарҭадара аҧҵаразы амаҵ азыруеит. Ирацәоуп ҳаамҭазтәи амилициа ахь усура инеиуа аҿар. Иахьа амилициа еиқәшәоуп ҳаамҭа иақәшәо ҷыдалатәи атехникала. Урҭ зегьы русура акыр иацхраауеит. Амилициа аусзуҩцәа еснагь еиҧш хықәкы хадас ирымоу ацәгьоура аарҧшра ауп.

 Н.Ақаҩба, Б.Чхьынџьериа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ноиабр 2017
109
22 Ноиабр 2017
15
22 Ноиабр 2017
17
Ҿҳәарас иамазаауеит жәа-шықәса .
22 Ноиабр 2017
18
Абри атәы рҳәеит Аҧсны Амшынеиқәафымцамч иаҵанакуа афымцаҭиира аҟәша ахаҭаранакцәа.
21 Ноиабр 2017
152
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
Загрузка плеера
Алаҳәарақәеи адныҳәаларақәеи
АГТРК