Аҧсуа милициа 95 шықәса ахыҵра иазку агәырҕьаратә еилатәара мҩаҧган Аҩныҵҟатәи аусқәа рминистрраҿы.

10.11.2016
836

Аҧсуа милициа 95 шықәса ахыҵра иазку агәырҕьаратә еилатәара мҩаҧган Аҩныҵҟатәи аусқәа рминистрраҿы. Уи далахәын Аҳәынҭқарра ахада Рауль Ҳаџьымба.

Амилициа аусзуҩцәа рзнааҭтә мшныҳәа иазку агәырҕьаратә еилатәара аартуа, еизаз рҿаҧхьа дықәгылеит аҩныҵҟатәи аусқәа рминистр актәи ихаҭыҧуаҩ Рауль Зыхәба . Иазгәеиҭеит, амилициа аусзуҩцәа рзанааҭ имариақәам ишыруаку. «Шәара иахьеи- уахеи ҳауаажәларра рзинқәа рыхьчареи , ацәгьоурақәа раҧырҟәаараеи шәнапы рылакуп. Уи зегьы ҭакҧхықәрала шәшазнеиуа агәра аагоит,»- иҳәеит Рауль Зыхәба. 

Анаҩс , дықәгылеит Аҩынҵҟатәи аусқәа рминистрра Аветеранцәа рхеилак ахантәаҩы Владимир Џьынџьал. Иҳәеит, Аҧсны Аџьынџтәылатә еибашьраан аҧсуа амилмициа аусзуҩцәа маҷҩымкəа аҧсадгьыл ахьчара рхы шақәырҵаз . «Урҭ ргәымшәареи рфырхаҵареи аҭоурых иазаанхоит,»- ҳәа азгәеиҭеит иара . Владимир Џьынџьал иҳәеит, аҧсуа милициа аҭоурых аҭҵаара рнапы шалаку .

Аҧсны Ахада Рауль Ҳаџьымба Амилициа аусзҩцәа рзнааҭтә мшныҳәа рыдныҳәало иазгәеиҭеит, аҳәынқарра аргылараҿы дара иааныркыло аҭыҧ шыҳараку. «Атәыла анапхгара рганахь ала еснагь ацхыррара ахьышәҭаху ҳшәыдгылаҩцәоуп,»- иҳәеит иара . Агәырҕьаратә еилатәара аҟны зусураҿы зҽалзкааз амилициа аусзуҩцәа чынла ишьҭыхын, иара убасгьы иранашьан аҳаҭыртә шәҟәқәа.

 Фатима Гьергьиаҧҳа , Асҭамыр Гәажәба, АТ .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
37
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
13
Аусмҩаҧгатә рхы аладырхәит ашәҟәыҩҩцәа, ауаажәларратә усзуҩцәа, астудентцәа, ашколхəыҷқəа.
13
Ааигәа ақаҭран ақәҵара хыркәшан Алашарбага аҳаблеи Алада Ешыреи еимаздо амҩеи, Имам Шамиль имҩеи.
13
Акциа зҽалазырхәуа зегьы аизара иалагоит Самсон Ҷанба ихьӡ зху Аҧсуа драматә театр  аҿаҧхьа.
13
Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК