Ауаажəларратə еиҿкаара "Аиҭаира" астол гьежь.

10.11.2016
575

Ауаажәларратә еиҿкааара «Аиҭаира» аҟны имҩаҧысыз аиҧылара азкын аҭоурыхҭҵааҩцәа Станислав Лакобеи, Олег Бҕажәбеи авторцәас измоу «Аҧсны аҭоурых ажәытәӡатәи аамҭақәа инадыркны иахьа уажәраанӡа» захьӡу ашәҟәы. Уи арҵаратә процесс иалагалан 2016 шықәса рзы. Аиҧылара иалахәын аҵарауаа, ауаажәларратә политикатә усзуҩцәа, Жәлар реизара адепутатцәа, ауаажәларратә палата ахаҭарнакцәа.

Аиҧылара аартуа, ауаажәларратә еиҿкаара “Аиҭаира” ацхантәаҩы Леонид Лакербаиа иҳәеит, дшақәшаҳаҭым Аҧсуа телехәаҧшрала арҵага шәҟәы ахцәажәараҿ иҳәаз агәаанагара. Иара иажәақәа рыла, аматериал аҿы афактқәа аобективла ирызнеиӡам. Убри аан иазгәаиҭеит, ари арҵага шәҟәы ауаажәларра рыбжьара иҟоу аҽеиҩшара аанкылара иахьацхрааша ацымхәрас, ари аҭыӡшәа ашәҟәы иахысуа аҿаргьы  аланагалоит ҳәа. Леонид Лакербаиа иҳәеит, ихымҧадатәны ишыиҧхьаӡо  аҵарауаа- аҭоурыхҭҵааҩцәа рыла ишьақәгылоу акомиссиа аҧҵара, ашәҟәы аҿыц лагалақәа  анализ рзырурц азы.

Аиҧылараҿы  иазгәаҭан ҩышықәса раҧхьа иҟаз ахҭысқәа ашколтә программа иалоу арҵагашәҟәы анҵаразы ицаз аамҭа маҷцәаны ишырыҧхьаӡо. Насгьы иҳәан, ашәҟәы автор хаҭалатәи игәаанагареи, имҩаҧысуаз ахҭысқәа иара ишидикылази арҵагашәҟәы анҵара ҟалашьа змам акәны иҟоуп ҳәа. Афонд “Аҧра” ахантәаҩы Аслан Бжьаниа иажәақәа рыла, ҩнызқьи жәиҧшь шықәса, маи мзазы имҩаҧысуаз ахҭысқәа Апрокуратура  хада ахәшьара шарҭахьоугьы, иара дақәшаҳаҭӡам  уи аконституциа аҳәаақәа ирҭымҵӡеит ҳәа ирҳәо. Убри аан иазгәеиҭеит, ажәлар реидкыларазы ишхымҧадатәу иашамҩак мацара алхра.

Ари ашәҟәы азы ргәаанагарақәа рҳәеит  аҭоурыхҭҵааҩцәагьы. Аҵарауаҩ Валери Бигәаа ганкахьала дрықәшаҳаҭхеит  ахҭысқәа макьана ахәшьара рыҭаны ашәҟәы ранҵара заацәуп ҳәа изыҧхьаӡо. Убри аан аҵарауҩ иҳәеит, ашәҟәы ахархәаразы иаанкылатәуп ҳәа ирҳәо дшаҿагыло, иара иажәақәа рыла, даҽа усуп агәынымӡара цәырызгаз ацәаҳәақәа  ариашарақәа рылагалара.

Леонид Лакербаиа иажәақәа рыла, аиҳабацәа реизыҟазаашьақәа рҿы иҟоу уадаҩрақәа изыҳауа аҿар рахь аиагара ҟалаӡом. Ицәажәоз аӡәырҩы уи иақәшаҳаҭхеит. Убри аан иҳәан, ашәҟәы авторцәа аҭоурых аицакра азин шрымамыз. Аужәларратә палата алахәыла Оҭар Лакрба иазгәеиҭеит, ус анакәха дарбанзаалакгьы азин шимоу арҭ ахҭысқәа иара ишибо аиҭаҳәара.

Аҭоурых ашәҟәы алацәажәара цон  акраамҭа, уи аҳәаақәа ирҭагӡаны ирацәан иҳәаз  агәаанагарақәа. Иҟаҵан алкаа, уи инақәыршәаны,  иаҧхьан аҳәамҭагьы. Иара аҟны иазгәаҭоуп   аиҧылара иалахәыз ҟалашьа амам ҳәа иҧхьаӡаны ишрықәыӡбо дара ргәаанагарала еицаку афактқәа.

Елана Лашәриа,Беслан Џьынџьал, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ноиабр 2017
17
17 Ноиабр 2017
79
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
83
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
74
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
88
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
17 Ноиабр 2017
67
Аҳәынҭқарратә ҳәааҿы иара диҧылеит Аҧыза-министр Беслан Барцыц.
16 Ноиабр 2017
168
Аҭыжьымҭаҿы:Акаҭа ахаҧеит. Лыхны ақыҭан икыуп аҩнатә ҧсаатә ҭаха рызымҭоз агыгшәыг.
Загрузка плеера
Алаҳәарақәеи адныҳәаларақәеи
АГТРК