Ноиабр 14 рзы имҩаҧысраны иҟоуп апроект «Ишьхатәылоу Аҧсны» аҳәаақәа ирҭагӡаны иҟаҵаз афотосахьақәа рцәыргақәҵа .

10.11.2016
689

Ноиабр жәиҧшь рзы имҩаҧысраны иҟоуп апроект «Ишьхатәылоу Аҧсны» аҳәаақәа ирҭагӡаны иҟаҵаз афотосахьақәа рцәыргақәҵа . Уи еиднакылоит ҩышә фотосахьа инарзынаҧшуа. Ари ацәырҵгақәҵа аспонсор хадас иҟоуп Амобилтә еимадара «Аҟәафон».

Абар хәышықәсоуп апроект « Ишьхатәылоу Аҧсны» аус ауеижьҭеи. Ари аамҭа иалагӡаны апроект аиҿкааҩцәа ашьхараҿы изнысхьоу амҩа маҷым . Дара шьаҿа-шьаҿа афотоҭыхымҭақәа ҟарҵон. Иахьа иҟоуп алшара, урҭ зегьы агәаҳәара змоу дырбаразы . Ицәыргахоит мышқәак рыла еиуеиҧшым аамҭақәа рзы иҟаҵаз ҩышә фотоҭыхымҭа инарзынаҧшуа. 

Апроект « Ишьхатәылоу Аҧсны» аиҿкааҩ Ҭенгиз Ҭарба иажәақәа рыла, ацәыргақәҵа мҩаҧыслоит ҩымчыбжьа, уи аамҭа иалагӡан, аҭааҩцәа ирыдгалахоит Апроект ахьӡ ала иаҧҵаз амузыка, еиуеиҧшым авидео нҵамҭақәа. 

Ҭенгиз Ҭарба иазгәеиҭеит, ашколхәыҷқәа ааҧхьара шрырҭо, дара рзы араҟа еиҿкаахоит аӡын аамҭазы ашьха ианхалоз рхы иадырхәоз амаҭәарақәа. «Аҧсуаа еснагь ирыман ашьха ианцоз рхы иадырхәоз еиуеиҧшым амаҭәарқәа, аамҭа ҧхьаҟа ицацыҧхьаӡа урҭ рхаҭабзиара иазҳауан , аха инарыгӡоз ак акəын - ашьхахалаҩцәа ршәараҭадара,- иҳәеит Ҭенгиз Ҭарба. Ари апроект хәышықәса иалагаӡан ацхыраара анаҭоит Аилахәыра «Аҟәафон». Ацәыргақәҵа аиҿкаараҿгьы дара аганахь иаанымхеит . Ажәака ала афотоцәыргақәҵа аҭааҩцәа ирзыҧшу маҷым. Иара аартхоит ноиабр жәиҧшь рзы, Аурыс драматә театр аҵәахырҭа ахыбраҿы .

Фатима Гьергьиаҧҳа, Ҭемыр Гогохьиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Ииун 2018
49
«Аҧсныи Урыстәылеи раҧхьагылаҩцәа қәыҧшцәа» рфорум.. Москва имҩаҧысыз аҿар рфорум далахәын Аҧсны Ахада.
15 Ииун 2018
46
Асасааирҭаҿы инырхоу ауааҧсыра ирзаҧҵоуп аҧсшьаразы аҭагылазаашьа бзиақәа.
15 Ииун 2018
86
Адунеи иқәынхо амсылманцәа аџьаама иаҭааны Аллаҳ имҵаныҳәара мҩаҧыргоит.
14 Ииун 2018
91
Аҭыжьымҭаҿы:Урыстәылатәи амедицинатә ҧгаҧса ауааҧсыра рыҭара шымҩаҧысуа. Ҳдырраҭара актуалра злоу анҵамҭа.
14 Ииун 2018
71
Уи аартын аспектакль «Широколобый» ақәыргылара ала.
14 Ииун 2018
83
Аҟəа ақалақь ахада Адгəыр Ҳаразиа имҩаҧигеит аилатəара ақалақьтә усбарҭақәа рхаҭарнакцәа алархəны.
Загрузка плеера
Алаҳәарақәеи адныҳәаларақәеи
АГТРК