Аҧсныи Урыстәылеи абыжьбатәи русутә форум аатуеит ноиабр 15 рзы, АҞәа.

14.11.2016
630

Аҧсныи Урыстәылеи    абыжьбатәи   русутә   форум    аатуеит     ноиабр  15 рзы  АҞәа.  Афорум  иалахәхоит  Аҧсныи Урстәылеи рхаҭарнакцәа, ҩ-тәылак рынагӡаратә  усбарҭақәеи  рзакуанҧҵаратә  мчреи, русутә хеилакқәеи,   еиҳабыратәым реиҿкаарақәеи, рмассатә информациа  ахархәагақәеи.  

Изаамҭанытәиу абыжьбатәи аҧсуа-аурыс економикатә форум алҵшәа бизақәа аанагар ауп,  абри атәы рҳәоит аекспертцәа. Сынтәа даҽа аамҭанык еиҧшымкәа уи  амҽхак ҭбаауп. Аусмҩаҧгатә аартхоит аинвестициатә ҿиаразы иҟоу ашьаҿақәа ртәы зҳәо ацәыргақәҵа ала. Уи иалахәхоит Урыстәылеи, Аҧсни, Аладатәи Уаҧстәылеи русдкылаҩцәа.Афорум аофициалтә аартраҿы  дықәгылараны дыҟоуп Аҧсны Ахада Рауль Ҳаџьымба, адныҳәаларатə ажәахә ҟаҵахоит Урыстәыла Ахада Владимир Путин иҟынтәи. Ари аусуратә форум аҳәаақәа ирҭагӡаны, аиқәшаҳаҭрақәеи аҧкаанҵақәеи жәпакы анапы рыҵаҩра азгәаҭоуп.

Аекономикатә форум аусура еихшахоит  аусутә гәыҧқәа рыла.  Актәи астол гьежь аусура рызкхоит Урыстәылантәи Аҧсныҟа иаауа аинвестициақәа. Уи аҳәаақәа ирҭагӡаны, иара убасгьы ирылацәажәахоит ари азҵаара аганахь аусуеицра атәгьы. Аҩбатәи “астол гьежь” азкхоит ақыҭанхамҩатә аалыҵқәа аҳәаа иахыганы Урыстәылаҟа рҭагалареи, ҩ-ганк русеицураҿы ақыҭанхамҩа аҵаки.Ахҧатәи “астол гьежь” азкхоит атуризм, иҟоуп иара убасгьы аенергетика аусхки, адәныҟаполитикеи иахьрылацәажәахьоугьы.

Адгәыр Арӡынба иажәақәа рыла, асеиҧш афорумқәа еснагь алҵшәа бзиақәа аадырҧшуеит. Дара рымҩаҧгара аҭахуп, урҭ аекономика аинвистициа ҿыцқәа адрыҧхьалоит. Иара убасгьы, аекономика аминистр иҳәеит, афорум аусура аихшьаалақәа ҟаҵо, уи иалахәыз арезолиуциа рыдыркылараны ишҟоу.





Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
37
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
13
Аусмҩаҧгатә рхы аладырхәит ашәҟәыҩҩцәа, ауаажәларратә усзуҩцәа, астудентцәа, ашколхəыҷқəа.
13
Ааигәа ақаҭран ақәҵара хыркәшан Алашарбага аҳаблеи Алада Ешыреи еимаздо амҩеи, Имам Шамиль имҩеи.
13
Акциа зҽалазырхәуа зегьы аизара иалагоит Самсон Ҷанба ихьӡ зху Аҧсуа драматә театр  аҿаҧхьа.
13
Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК