Ноиабр 14, адиабет чымазара иаҿагылан ақәҧара Жәларбжьаратәи иамшны иҧхьаӡоуп.

14.11.2016
435

Ноиабр 14, адиабет чымазара иаҿагылан ақәҧара Жәларбжьаратәи иамшны иҧхьаӡоуп. Аҩныҵҟатәи аусқәа рминистрра амедицинатә маҵзураҿы имҩаҧган ашьақар чымазара змоу ауааҧсыра хәыда-ҧсада рыдкылара. Убри анаҩсгьы,агәаҳәара змаз зегьы ршьақар зеиҧшроу еилыркаар рылшон хәыда- ҧсада. 

Аҵыхәтәантәи аамҭазы адунеи аҿы ашьақар чымазара змоу ауааҧсыра рхыҧхьаӡара еиҳа - еиҳа иацло иалагеит, уи деинлахуам аӡәгьы, ахәыҷы инаиркны аду иҟынӡа. Ҳтәылаҿгьы ари ачымазара змоу ауааҧсыра рхыҧхьаӡара маҷым. Урҭ зегьы аҳәынҭқарра аганахь ала ахылаҧшра рымоуп. Ашьақар чымазара зыхьуа ауааҧсыра ашәҟәы иҭагалоуп ирҭаху ахәшәқәа рыла хәыда -ҧсада аҳәынҭқарра еиқәнаршәоит.

Згәы бзиоу ауаҩы, аамҭа-аамҭала амедицинатә гәаҭарақәа дырхыслароуп, иара идыруазароуп ицәа иалоу ашьақар ахьынӡаҟоу. Ашьақар чымазара шьҭикаар алшоит ҳәа ашәарҭара ыҟазар, ианаамҭоу ихәышәтәра напы адыркуеит. Ноиабр 14, адиабет чымазара иаҿагылан ақәҧара Жәларбжьаратәи иамшны иҧхьаӡоуп, ари амш азоуп даниз адиабет ахәышәтәразы инсулин ҳәа изышьҭоу ахәшә зыӡбаз Фредерик Бантинг. Астатистика ҳазааҭгылозар, Аҧсны аҩныҵҟа ашьақар чымазара зыхьуа ҳәа ҩнызқьи жәохә шықәса рзы ашәҟәы иҭагалан 1 700 ҩык ачымазцәа, урҭ рахьтә шәҩык - жәаа шықәса зхымҵыц ахәыҷқәа . Ачымазара ауаҩы ицәа ишалоу ианаамҭоу ианеилкааха, ахәышәтәрагьы мариахоит, рҳәоит аҳақьымцәа. 

Сынтәа раҧхьаӡа акəны Аҩныҵҟатәи аусқәа рминистрра амедицинатә маҵзураҿы имҩаҧыргеит ашьақарчымазара змоу ауааҧсыра ргәаҭара. Шьыжьнаҵы арахь иааиуаз ауааҧсыра рхыҧхьаӡара рацәан. Урҭ зегьы еиуеиҧшым ахырхарҭақәа рыла агәаҭарақәа ирхыжьын. Згәабзиара гәазҭарц азы арахь идҵаалаз ауааҧсыра ирҳәон, ас еиҧш иҟоу акциақәа рымҩаҧгара ахәҭаны ишырыҧхьаӡо, аҳақьымцәа ракәзар , рус бзиан ишазнеиуа, аҳәынқарра аганахь ала ахылаҧшра шрымоу.

Мышкы иалагӡаны аҳақьымцәа ирыдыркылеит ҩажәижәаҩык инареиҳаны ачымазцәа . Аҳақьымцәа ражәақәа рыла, ари акциа уаҵәгьы иацырҵараны иҟоуп.

Фатима Гьергьиаҧҳа, Саид Агәха, АТ .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ноиабр 2017
23
17 Ноиабр 2017
87
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
91
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
88
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
98
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
17 Ноиабр 2017
80
Аҳәынҭқарратә ҳәааҿы иара диҧылеит Аҧыза-министр Беслан Барцыц.
16 Ноиабр 2017
172
Аҭыжьымҭаҿы:Акаҭа ахаҧеит. Лыхны ақыҭан икыуп аҩнатә ҧсаатә ҭаха рызымҭоз агыгшәыг.
Загрузка плеера
Алаҳәарақәеи адныҳәаларақәеи
АГТРК