Апатриот , аҟаза , аибашьҩы Гиви Смыр аҵыхәтәантәи имҩахь днаскьаргеит.

21.11.2016
675

Аҵыхәтәантәи имҩахь днаскьаргон асахьаҭыхҩы, аскульптор,  Афон ҿыцтәи аҳаҧы аартра зыбзоурахаз, аибашьра аветеран Гиви Смыр. Иара иҧсҭазаара далҵит хынҩажәи жәеиза шықәса дшырҭагылаз. Гиви Смыр наӡаӡа абзиараз ҳәа иарҳәеит Аҧсны ахада Рауль Ҳаџьымба,  аибашьра  аветеранцәа, хыҧхьаӡара рацәала ауааҧсыра. Иара   знык иадамхаргьы дызбахьаз ргәаҵаҿ  даанхоит еснагь.

Афонаа мацара рзы акәым, ари цәыӡ дууп ҳаҧсадгьыл зегь азы – рҳәон ҳара ҳзыҿцәажәоз, Гиви Смыр ибзиан дыздыруаз иҩызцәа. Иара иҧсҭазаара далҵит ашәыгақәа  инапаҟны ишикыз. Асахьаҭыхҩы, аскульптор, ареставратор, аибашьҩы, афилософ -  ган рацәала ибеиз, аҧсабара иазааигәаз, заҧсуара иазыҳаҵҳаҵоз, илан доуҳа мчык , егьырҭ дызлареиҧшымыз.

Зықалақь дауаҧшьк еиҧш изыхьчоз, иара ихьӡ иацуп  Афон хәыҷ злабеиоу аҭоурыхтә баҟақәа. Иара ибзоуроуп Анаҟәаҧиатәи абааш аиқәырхара,  аамҭаказы  уи ақәгара иашьҭан, Гиви Смыр иоуп Афонҿыцтәи ауахәамахь амҩахәасҭа ылызгаз, ихьӡ иузаҟәымҭхо иадҳәалоуп  еицырдыруа  аратəи  аҳаҧгьы. Араҟоуп  наӡаӡа абзеираз ҳәа иарҳәарц иахьааиуаз иара дыздыруаз зегьы.  
Гиви Смыр аҵыхәтәантәи имҩахь днаскьаргон  Афон ақалақь ауааҧсыра зегьы, ахәыҷы инаиркны аду иҟынӡа. Иара дрыцхраауан еилых ҟамҵакәа, арыцҳареи агәаҟреи ирықәшәаз. Иара идҵаалон амҩа иаша ылызхырц зҭаху, дыбжьаҟазаҩын , иажәа иазхәыцуан.

Аҟаза  наӡаӡа абзеираз ҳәа иарҳәарц инеит Аҧсны Ахада Рауль Ҳаџьымба, аиҳабыра реилазаара алахәылацәа,  аибашьра  аветеранцәа,   ауаажәларратәи аполитикатәи еиҿкаарақәа рхадацәа. Аҭоубыҭ ахьықәгылаз  инеиуан хыҧхьаӡара рацәала ауааҧсыра.  Гиви Смыр  иҭынхеит хҩык арҧарацәа, ихы-иҧсы зегьы здиҳәалаз иҧсадгьыл иаҵагылаша. Афырхаҵа  анышә дамардеит иқалақь гәакьа Афон ҿыц.

Альбина Жьиҧҳа, Саид Аиба ,АТ  



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Убри инадҳәаланы ҳтәыла ашколқәа рҿы имҩаҧысуеит агәыҳалалра иазку аурокқәа.
7
Уаҟа аҧсуа монетақәа ирызку аинформациа аҧхьатәи адаҟьақәа рҿы икьыҧхьуп.
Алаҳәарақәеи адныҳәаларақәеи
АГТРК