Имҩаҧысит Аҧсны жәлар Реизара асессиа изаамҭанытәиу аилатәара.

22.11.2016
760

Имҩаҧысит Аҧсны жәлар Реизара асессиа изаамҭанытәиу аилатәара. Адепутатцәа аусӡбаратә мчразы аконституциатә закуан аҧсахрақәа алагаланы, аҩбатәии аҵыхтәантәии аҧхьарақәа рыла ирыдыркылеит. Асессиа аҟны аконституциатә усӡбарҭа аӡбаҩцәас иалырхит Лиудмила Хоџьашвилии Рауль Панҭиеи. Егьыр акандидатурақәа Ҭамаз Қьецбеи, Сергеи Смыри , Иакәыб Лакобеи аконституциатә усӡбарҭа аӡбаҩцәас рыҟаларазы иахәҭаз абжьқәа рмоуит.

Жәлар Реизара адепутатцәа русура иалагеит Аусӡбаратә мчразы Аконституциатә закуан аҧсахрақәа ралагалара ала. Уи ианалацәажәа анаҩс, актәи аҧхьараҿы адкыларазы иқәдыргылеит, ашьҭахь иаразнак аҩбатәи аҵыхәтәантәи аҿы ирдыркылеит. Аинтерес зҵаз зҵаарахеит Аҧсны Жәлар Реизара адепутатцәа ралхрақәа рзы Аконституциатә закуан аҧсахрақәа ралагалара иазкыз. Апарламент аҿы Аҧсны Ахада еснагьтәи ихаҭарнак Дмитри Шамба иҳәеит, урҭ инарықәыршәаны алхрақәа рылахәхаразы азин шрымам арҩашьыгатә маҭәашьарқәа здызкылоуи, иара убасгьы иаркым ашьауӷатә усҭҵаара зыдҳәалоуи атәылауаа. 

Адепутат Валери Агрба иажәақәа рыла, арҭ аҧсахрақәа хра рылоуп, избан акәзар, иалдыршоит алхрақәа зыҽрылазырхәуа рыбжьара иакәым знапы алакәу ралыршәшәара. Адепутатцәа аӡәырҩы уи азы ргәаанагарақәа рҳәеит. Жəлар Реизара ахаҭарнак Ҭемыр Гәлиа игәаанагарала, дарбанзаалакгьы апарламенттә алхрақәа ирылахәхо аҧсшәа идыруазар ахәҭоуп, уи инаҷыдангьы, иреиҳау аҵарадырра шимоу шьақәирҕәҕәар ауп. Ҭемыр Гәлиа иажәақәа рыла, ҩажәыхәба шықәса еиҵаны изхыҵуа алхрақәа ралархәра мап ацәктәуп. Жәлар реизара ахаҭарнакцәа алацәажәеит административтә зинеилагарақәа рзы акодекс аҧсахрақәа ралагалара азҵаарагьы. Иҳәатәуп, ари апроект раҧхьатәи ахәаҧшраан аиҳараҩык адепутатцәа адгылара шарымҭаз, усҟан иҟаҵаз ажәалагалақәа ҳасаб рзуны, уажәтәи апроект аҧсахрақәа аларгалеит. Ажәалагалақәеи, акраамҭатәи алацәажәареи рнаҩс ,адепутатцәа азакәан апроект аҩбатәи аҵыхәтәантәи аҧхьараҿы ирыдыркылеит.

Адепутат Дмитри Гәынба адепутатцәа ирыдигалаз азакуан апроект инақәыршәаны, ақыҭа Арсауал, уаанӡатәи ахьӡ Приморское азыргьежьра иахәаҧшуан. Ақыҭа Приморск Арсаул аҳәа ахьӡ ахьыҧсахыз ,уи анхацәа агәынамӡара рызцәырнагеит. Дмитри Гәынба, уи инамаданы ажәалагала ҟаиҵеит. Адепутат Сергеи Шамба иҳәеит, знык зыхьӡ ҧсахыз ақыҭа ахьӡ уаанӡатәи ахь аиҭархынҳәра иаҧсам ҳәа шиҧхьаӡо. Адепутатцәа рыбжьара азҵаара аимак цәырнагеит. Ирацәан иҳәаз агәаанагарақәа. Апарламент аханәтаҩы Валерии Бганба иажәалагала, Дмитии Гəынба азҵаара ахәаҧшра аҟынтә ақәгара дақәшаҭаҳҭхеит. Уи анаҩстәи аилатәараҿы еиҭалацәажәараны иҟоуп. Анаҩс ииасын акадртә зҵаарақәа рахь. 

Адепутатцәа ирыдгалан акандидатурақәа- Аконституциатә усӡбараҭа аӡбаҩцәас Ҭамаз Қьецба, Иакəыб Лакоба, Рауль Панҭиа, Сергеи Смыр, Лиудмила Ходџьашвили. Абжьаҭара мҩаҧысуан маӡала. Анаҩс ишеилкаахаз ала ,аконституциатә усӡбарҭа аӡбаҩцәас зыӡбахә хәҩык рҿынтә ишьақәырӷәӷәаз ҩыџьа роуп. Адепутатцәа рыбжьы рырҭеит Лиудмила Хоџьашьвили, Рауль Панҭиеи. Иара убасгьы ауаҩы изинқәа рыхьчаразы дшьақәырӷәӷәан Дмитри Маршьан. Адепутатцәа Кан Кәарҷиеи Валери Агрбеи абжьаҭара алҵшәақәа ирықәшаҳаҭымхаӡеит, дара ргәаанагарала, аилагарақәа аҭыҧ рыман. Валери Агрба иҳәеит, аконсититуциатә усӡбарҭа аӡбаҩцәа ралхра иазыҧҵәоу аҧҟарақәа еилаган ҳәа шиҧхьӡо. Адепутацәа реилатәара иацҵахоит уаҵәы.

 Елана Лашәриа,Саид Агәхаа, Асҭамыр Гәажәба АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
5
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
21
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
13
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК