«Кунаки» аҳәаақәа ирҭагӡаны, имҩаҧган Даҕьысҭантәи ареспублика апоетцәеи аҧсуа поетцәеи реиҧылара.

22.11.2016
746

Нхыҵ  Кавказтәи  иаарту   акинои  ателехәаҧшреи рфестиваль «Кунаки»  аҳәаақәа  ирҭагӡаны  имҩаҧган  Даҕьысҭантәи  ареспублика апоетцәеи,  аҧсуа  поетцәеи   реиҧылара.  Уаҟа иӡырган    Даҕьсҭантәи   апоетесса   Миасат Муслимова  лажәеинраалақәа.

Афестиваль «Кунаки»   Аҧсны  имҩаҧыргоижьҭеи  ҩынтәуп.Иара  еиднакылоит  хыҧхьаӡара  рацәала  аҟазара  злоу  ауаа. Убас,  иӡбан  аҧсуа  поетцәеи  Даҕьысҭантәи  ареспублика    аҟнытәи      апоетцәеи реиҧылара  аиҿкаара.   Ас  еиҧш  иҟоу  аиҧыларақәа  аҿар рзеиҧш,   аҧышәа   змоу   рзгьы    акыр аҵанакуеит ҳәа агәаанагара рымоуп   аидеиа  аҧшьгаҩцәа.

«Кавкази  Аҧсныи рпоезиа»-ҳәа  захьӡыз  аиҧылара     иалахәыз  ирыдгалан  Даҕьсҭантәи   апоет    Миасаҭ Муслимова лырҿиамҭақәа.  Лара  апоезиа лнапы  алалкит  ҩнызқьи  ҧшьба  шықәсазы,     ақалақь Беслан  атрагедиа  аныҟала.  Усҟан  лара  илнырны   аҧсҭазааратә шьаҭа  аҭаны иаҧылҵаз  арҿиамҭа,  арыцҳара  иақәшәаз  рҭаацәарақәа   рхьаа  еиҭарҿыцуеит ҳәа   акыраамҭа  ицәырылгомызт.  Аха,   анаҩс  илкьыҧхьит. Иахьа Лара    лҭыжьымҭа    еиднакылоз ажәеинраалақәа   дрыҧхьеит.

Ас  еиҧш  иҟоу  апоезиатә  хәылҧазқәа амҩаҧгара  ахәҭоуп,   еиҳаракгьы  аибадырразы.  Автор   иара  иҩымҭа  данузаҧхьо даара  акыр  аҵанакуеит   лҳәеит  апоетесса   Гәында  Сақаниаҧҳа.

Еиҵагыло  апоезиа знапы  алакыу  аҿар  рзы  ас  еиҧш  иҟоу  аиҧылара  акраҵанакуеит. Дара  зҿлымҳарыла   ирзыӡырҩуан  реиҳабацәа. Нхыҵ  Кавказтәи  иаарту   акинои  ателехәаҧшреи рфестиваль «Кунаки» мҩаҧысуанаҵы  аҟазара  егьырҭ ахырхарҭақәа рыла еиҿыркаараны  иҟоуп    азҿлымҳара  зуҭаша  аиҧыларақәа.

Фатима Гьергьиа , Ҭемыр Гогохьиа, АТ.    



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
7
Иара Аҧсны амилаҭтә олимпиатә еилакы аҿы  адныҳәаларақәа идикылон
8
Убри инамаданы имҩаҧган афонд ахаҭарнакцәа злахәыз апресс-конференциа.
24
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК